It(em) het es gevorw(er)t tusscen lodewijc van hortbeke in deen zijde ende/ janne de lu inden name en(de) van wege(n) van marien bens in dander/ zijde uut dien dat te hale(n) geva(n)ge(n) sit een gehete(n) lodewijc bens/ voir sek(er) hootvonnissen die der voirs(creven) marien ov(er) den voirs(creven) lod(ewijcke) bens/ aengewijst sijn dair voe(r) hem de voirs(creven) lod(ewijc) wil late(n) leve(re)n Soe/ es gevorw(er)t tussce(n) de voirs(creven) p(ar)tien dat de voirs(creven) lodewijc van hortbeke/ mette(n) voirs(creven) ja(n)ne de lu trecke(n) sal tot halen en(de) visente(re)n een/ ghyoele die tot des voirs(creven) lod(ewijx) bens behoef aldair bij rade rade des/ voirs(creven) lod(ewijx) van hortbeke geordineert sal worde(n) op des voirs(creven) jans/ cost ende dies heeft geloeft de voirs(creven) jan de lu den voirs(creven) lod(ewijcke)/ van hortbeke drie gul(den) peters en(de) g drie gul(den) scilde beyde/ der mu(n)ten h(er)toge ph(ili)ps van bourg(oignen) (et)c(etera) goet en(de) gheeve bynne(n)/ xiiii nachte(n) naestcomen(de) te betale(n) als v(er)volghde schout In alsulk(er)/ vuege(n) wairt also dat de voirs(creven) lod(ewijc) bens hem niet en liet leve(re)n/ en(de) den peys gededingt worde dat dan de voirs(creven) lod(ewijc) van hortbeke/ hebben sal de helcht vand(er) voirs(creven) so(m)men en(de) een gelte rijnschs/ wijns voir treken van sine(n) yse(r) en(de) niet meer en(de) worde hij gelev(er)t/ soe sal hij sijn so(m)me geheelic hebbe(n) en(de) d(aer)toe ii gelte(n) rijnschs/ wijns te wete(n) een voir treeke(n) vande(n) yse(r) en(de) dande(r) voir dinslaen/ Ende heeft geloeft de voirs(creven) jan de lu den voirs(creven) lod(ewijcke) van hortbeke/ sijn yser dat hij d(er) voirs(creven) marien in des(er) saken leve(re)n sal weder/ tsijne(n) huys te loven(e) te leve(re)n ter goed(er) mans prise als de/ voirs(creven) sake beslicht sal sijn te goed(er) meyni(n)ge(n) en(de) sond(er) argelist/ pynnoc w abs(oloens) oct(obris) xxi