Van oeden winkelmans/ Item want jan uuten hove diemen heet zedele(re) en(de) jan wijbrechts/ die na den rechte d(er) stat van loeven comen en(de) geleidt zijn tot/ den haefliken goeden henrix taelmans van wevere in deen zijde/ en(de) oede winckelmans in dande(re) in recht comen sijn voer/ meye(r) en(de) scepen(en) van loeven inde banck ald(aer) de voirscr(even)/ / jan uuten hove en(de) jan wijbrechts inden rechte versochten dat/ mense vand(er) voirs(creven) haven houden woude in hoe(re)n beleide te wete(n)/ van xl lichter gripen die wae(re)n in een borsse (et)c(etera) van iii zwerte/ ketels ene(n) eernen pot (et)c(etera) met meer ande(re)n haven die sij inden/ rechte aldaer uut eenre cedulen deden lezen Daer op de voirs(creven)/ oede vand(er) voirs(creven) haven een aensprake dede met alrehande/ reden(en) en(de) worden die sij in hoe(re)r aenspraken deden seggen ende/ rueren en(de) bezund(er) seggen(de) de voirs(creven) oede dat sij voermaels iiii/ kijnde(re) gehadt hadde van clase taelmans dien de voirs(creven) haeflike/ goede toebehoerden en(de) dat sij sijn marte geweest hadde en(de)/ dat sij hem gedient hadde en(de) dat hij in hoe(r) gehuerde huys/ met hae(r) woende en(de) dat hij de voirs(creven) have int voirs(creven) hoir/ huys bracht hadde oft doen bringen en(de) dat boet sij te thoene(n)/ en(de) met den minsten gelijc sij dat openbairlic bethoende En(de)/ dede oec voert seggen de voirs(creven) oede dat sij de voirs(creven) have/ als marte des voirs(creven) wilen claes taelmans ind(er) maten als/ voirs(creven) es aen den selve(n) wilen clase met hoe(re)n pijnen en(de) arbeide/ gewonnen en(de) verdient hadde Sluyten(de) de voirs(creven) oede hoe(r)/ aensprake so waer sij bethoende als voirs(creven) es en(de) hoe(re)n eedt/ dede gelijc sij geboden hadde dat dan de voirs(creven) have haven/ hoe(r) volgen en(de) bliven sal Op dwelc de voirs(creven) jan uuten/ hove en(de) jan wijbrechts hen verantwerden dat hen de voirs(creven)/ aensprake gheen ontstade doen en soude aen de have die sij/ voer hadden doen lezen en(de) dat bi redene(n) want sij na den/ rechte der stat van loeven comen en(de) geleidt wae(re)n tot den/ haefliken goede des voirs(creven) henrix taelmans die de naeste erfge/ name wae(r) vanden voirs(creven) wilen clase taelmans gelijc sij dat/ boden te thoenen en(de) sij oic dat thoenden met meer redenen/ die de voirs(creven) jan en(de) jan daer toe deden seggen en(de) besund(er) dat/ de voirs(creven) oede hen and(er)wile gep(rese)nteert hadde een borsse daer in/ omtrent xl licht(er) gripen wae(re)n Op dwelc de meye(r) van loeve(n)/ maende de scepen(en) van loeven die wijsden voer een vo(n)nisse/ na aensprake na verantwerden na thoenissen en(de) na den eedt/ die de voirs(creven) oede boet so waer de voirs(creven) oede hoe(re)n eedt/ dade gelijc als si dien geboden hadde dat hoer dan de/ voirs(creven) goede volgen en(de) bliven souden also verre als si die bynne(n)/ hoe(re)n platen hadde cor(am) pynnoc lomb(ar)t abs(oloens) wit(te)[ma(n)] vynck boys/ voshem fe(bruarii) vi[ta] martii sexta