Cond sij allen lieden dat jan beatrisen van betheekem soen wilen henrix ende/ gheerd leederbijl die dochter heeft des selfs jans in jeg(enwordicheit) der scepenen/ van loven(e) gestaen hebben genome(n) ende bekend dat sij genome(n) hebben jegen/ den edelen jonch(er) janne lije(re) te wesemale te falais ende des lants van/ mechlen sijn hoeve en(de) nederhof ter anderstad metten wynnende lande/beemde daer toe behoe(re)nde uutgenome(n) beide de bloexken aen beiden side(n)/ vande(n) wijng(ar)de gelege(n) de welke mijn jonch(er) mette(n) selve(n) wijng(ar)de te/ hemw(er)t sal behoude(n) [en(de)] mette(n) bog(ar)de aen tsavoer gelege(n) en(de) mette(n) warmoeshove/ gelege(n) aende(n) selve(n) bogart te gade(r) mette(n) beemden ende eeusele(n) die/ gelege(n) sijse sijn op gheen side vande(n) nederhove te en(de) aen dese side/ vand(er) neten te duffle waert op Te houde(n) te hebbe(n) en(de) te wynne(n)/ van halfmerte lestlede(n) ene(n) t(er)mijn van ix jae(re)n lang deen nae dand(er)/ sond(er) e(n)nich middel volgende elx jaers dae(re)n bynne(n) te wete(n) de/ voirs(creven) wynnende lande om de helcht van alle den core(n) en(de) vruchte(n)/ die jaerlijx op tselve land wassen sal welke helcht de voirs(creven) wynne(n)/mij op hoe(re)n cost mijne(n) jonch(er) jaerlix inde schue(r) vuere(n) ende leve(re)n/ selen en(de) d(aer) af selen sij hebbe(n) alst gedorssche(n) es hebbe(n) stroe en(de) caf/ uutgenome(n) den voirs(creven) warmoeshofve(n) dar de wynne(n) d(aer) in selen moge(n)/ wynne(n) dat hen gelieft en(de) die vrucht alleene te henw(er)t hebbe(n)/ en(de) behoude(n) ende de voirs(creven) beemde ende eeusele elx jaers om lxxx/ rijnsche(ne)r gulde(n) goet en(de) gheve vand(er) vier coervost(er) mu(n)te(n) voe(r) datu(m)/ des briefs geslage(n) oft de werde daer voe(r) in ande(re)n goede(n) goude te/ betale(n) deen helcht xv dage in merte en(de) dand(er) helcht xv daghe/ in septembr(is) alle jaer de(n) voirs(creven) t(er)mijn due(re)nde en(de) telke(n) t(er)mijne/ als vervolghde schout Ende es vorw(er)de dat de voirs(creven) wynne(n) de/ wynnende lande wynne(n) selen wel en(de) loflic met hoe(re)n getidege(n)/ voren den voirs(creven) t(er)mijn due(re)nde en(de) de stoppelen om doen inde oeghst/ maent jaerlijx den voirs(creven) t(er)mijn due(re)nde en(de) die ten eynde vanden/ selve(n) t(er)mijne wel en(de) loflic met sine(n) ged getidege(n) vore(n) b gewonne(n)/ late(n) en(de) de selve lande besaeyt late(n) gelijc sij die nu vijnde(n) te/ hoe(re)n aencome(n) Voert sal mijn jonch(er) de beemde die noch te bediken/ sijn voert doen dijken op sine(n) cost en(de) [dan] selen de wynne(n) de selve/ diken van alle den bemde(n) voirs(creven) wel en(de) custberlic houde(n) ende/ ten eynde vande(n) voirs(creven) t(er)mijne wel en(de) loflic bedijct late(n) Ende de/ grechte(n) en(de) sloete en(de) ryole(n) [vande(n) voirs(creven) goeden] selen sij jaerlix grave(n) en(de) ryoelen/ wel en(de) custberlic en(de) die beheyme(n) en(de) bevrede(n) alsoe dat behoert/ Desgelijx es vorwarde dat de wynne(n) voirs(creven) alle trunchout opte/ voirs(creven) goede staende selen moge(n) houwe(n) en(de) tru(n)cken ten behoerlike(n)/ / tijde en(de) daer af bernynchout make(n) daer af sij alst gemaect es/ deen helcht hebbe(n) selen en(de) mijn jonch(er) dand(er) helcht en(de) mijns/ jonch(ere)n helcht sele(n) sij hem dan opt [int] voirs(creven) hof leve(re)n ende vue(re)n/ Ende thoeft [doeft] dat inde(n) voirs(creven) bogart wassen sal dat selen mijn jonch(er)/ en(de) de wynne(n) half en(de) half deylen en(de) sij selen mijne(n) jonch(er) sijn/ helcht [jaerlijx] ter erden doen en(de) opt voirs(creven) huys ter and(er)stad leve(re)n/ Item sal mijn jonch(er) den selve(n) wynne(n) jaerlijx doen weyen op sijn/ bossche xii hoed horen vees te wete(n) vi van ene(n) jae(r) en(de) vi van/ ii jae(re)n en(de) iiii volen op datse de wynne(n) hebben ende mijn/ jonch(er) sal hen doen bewijse(n) plaetse dars daer sij jaerlijx sele(n)/ moge(n) maeye(n) xii voed(er) stroesels om opt voirs(creven) gers te brenge(n)/ alsoe verre mijn jonch(er) leeghe plaetse heeft en(de) hij sijn heide/ niet uut en gheeft Ende de wynne(n) en selen gheen beemde/ moge(n) verhue(re)n verhue(re)n mar sale(n) alsoe veel beeste(n) d(aer) op houde(n)/ dat hij [sij] thoy en(de) strot stroe daer op slite(n) en(de) te meeste make(n)/[sele(n)] en(de) dat [mest] vue(re)n opt voirs(creven) lant slants meeste(n) p(ro)fite en(de) nerghens/ elder Item selen de wynne(n) mijne(n) jonch(er) jaerlijx houde(n) gaende vi/ verkene mette(n) hoe(re)n en(de) vi oft viii scape met hoe(re)n scape(n)/ mar sij alse sij int voirs(creven) hof come(n) dan en selen de wynne(n)/ met dien verkene(n) en(de) scape(n) gheene(n) cost noch last hebben/ Desgelijx selen sij mijne(n) jonch(er) jaer over tijt houde(n) gaende/ ond(er) hoe(r) coeye iiii scape alsoe verre mijn jonch(er) hen die/ levert Item selen de wynne(n) mijne(n) jonch(er) jaerlijx varen en(de)/ diene(n) gelijc heynric bollart te doen plach en(de) sculdich was/ te doen en(de) des sal mijn jonch(er) hem jaerlijx gheve(n) enen/ tabbart gelijc de selve henric plach te hebbe(n) Item de/ huysinge vande(n) voirs(creven) ned(er)hove sal mijn jonch(er) hen wel en(de)/ loflic doen reeke(n) en(de) dan selen sijse alsoe in goede(n) reeke/ houde(n) en(de) laten ten eynde vande(n) t(er)mijne voirs(creven) sond(er) argelist/ Ende alle dese vorw(er)den en(de) geloefte(n) voirs(creven) hebbe(n) geloeft mijn/ jonch(er) voirs(creven) en(de) aen deen side en(de) de voirs(creven) wynne(n) aen dander/ malcande(re)n vast en(de) gestedich te houde(n) en(de) te voldoen talle(n)/ tijde(n) en(de) t(er)mijne(n) cor(am) lomb(ar)t abs(oloens) maii xii