Van janne van oestvorst den jongen/ Item want jan van oestvorst voirscr(even) die na de heerlicheit ons/ liefs genad(ichs) en(de) geduchts he(re)n sh(er)togen van burg(oign)[en] en(de) van/ brabant en(de) na sijnre stat recht van loeven comen en(de) geleidt/ es tot allen den goeden en(de) heerlicheiden des edelen jonck(er)/ jans he(re) tot wesemale (et)c(etera) tot loeve(n) int recht inhadde doen/ sc(ri)ven janne en(de) wille(m)me hinckart gebruede(re) en(de) janne haye/ mids dat de voirs(creven) jan van oestvorst meynde en(de) seyde dat/ de voirs(creven) gebruede(re) en(de) jan haye hem ongebruyck deden aen seker/ goede tot empel gelegen En(de) desen acht(er)volgende de voirs(creven)/ jan van oestvorst sijn dage van rechte houdende en(de) die ver/ wachtende gelijc hij dat na den rechte der stat van loeven sculdich/ was te doen den voirs(creven) gebruede(re)n en(de) janne hay hen ald(aer) niet/ comen(de) noch p(rese)nterende heeft de voirs(creven) jan van oestvorst/ inden rechte doen lezen een cedule inhouden(de) de goede hier/ na bescreve(n) Inden iersten den groten weert metten uutgrijnde/ en(de) allen sijnen toebehoerten gelegen inde p(ro)chie van empel op/ de maze ald(aer) tuschen de selve maze aen deen zijde en(de) de ge/ meynstrate ald(aer) aen dand(er) comen(de) met den ene(n) eynde aen de/ goede des joncke(re)n van wesemale voirs(creven) en(de) met den ande(re)n wege [eynde]/ aen den heusdenschen weerd It(em) enen camp geheten den bloete(n)/ camp gelegen inde voirs(creven) p(ro)chie neve(n) den lyescamp Item/ / enen camp gelegen inde p(ro)chie van empel voirscr(even) [inde beemde ald(aer)] tuschen den/ liescamp aen deen zijde en(de) der kerken camp aen dand(er) side It(em)/ twee campe aen een gelegen geheten de seve(n) merghen gelegen/ tuschen de goede jans vanden hoevel en(de) de goede meest(er) jans bate(n) soen/ Item ene(n) camp geheten dmaesacker gelegen ind(er) voirs(creven) p(ro)chien/ van empel tuschen de goede deenken hannen soens kijnde(re) aen/ deen zijde en(de) de goede arnts van malshem malssen It(em) noch/ ene(n) camp geheten haddencamp gelegen aldair tuschen de/ goede des joncke(re)n van wesemale in deen zijde en(de) de goede/ willems rogghen soen in dande(r) zijde En(de) dese goede aldus inde(n)/ rechte gelesen sijnde versocht de voirs(creven) jan van oestvorst datme(n)/ hem daer af houden woude in sijnen beleide want hem de voirs(creven)/ jan en(de) willem hinckart gebruede(re) en(de) jan haye daer aen ongebruyc/ deden Daer om eest dat de scepen(en) van loeve(n) t(er) manissen/ smeyers van loeve(n) gewijst hebben voer een vo(n)nissse so waer/ de voirs(creven) jan en(de) willem hinckart gebruede(re) en(de) jan hay niet/ en quamen ten opstaen vanden meye(r) en(de) scepen(en) gelijc sij niet/ en deden datmen dan den voirs(creven) janne van oestvorst vanden/ voirs(creven) goeden houden soude in sijnen beleide also verre alst noch/ voer scepen(en) van loeven comen was cor(am) pynnoc lomb(ar)t abs(oloens)/ wittema(n) vynck voshem maii xv a(n)no xxxviii