Van ja(n)nese vander hofstat/ It(em) van alsulk(er) haven als jan de briede(re) van herssele die/ te wive heeft de weduwe pet(er)s wilen ke(m)mes ke(m)me(re)/ eysschende en(de) inde(n) rechte voe(r) meye(r) en(de) scepen(en) va(n) loeve(n) gelesen/ was die bleven en(de) verstorven was na de doet henrics wile(n)/ kemme(re) vader des vors(creven) wilen peters ke(m)me(re) om dat de vors(creven) jan/ de briede(re) meyndde dat die have de(n) vors(creven) sine(n) wive toebehoe(re)n soude/ mids reden(en) die hi d(aer) toe dede segghen Jannes vand(er) hofstat [nat(ur)lic] sone/ vrancs wile(n) vand(er) hofstat d(aer) op antwerdende dede inde rechte lesen hoe/ hi ov(er) veel jae(re) bide(n) levende(n) live des vors(creven) wile(n) henrics ke(m)me(re) geleidt/ was na de(n) rechte d(er) stat va(n) loeve(n) tot alle(n) den haeflike(n) goeden des/ selfs wile(n) henrics Seggende voert dat hem en(de) sine(n) beleyde de/ selve volghen soude hevet tvonnisse d(er) scepen(en) van loeve(n) bi mae(n)nisse(n)/ smeyers van loeven gewijst dat de vors(creven) have de(n) voirs(creven) jannes/ en(de) sine(n) beleyde volgen sal cora(m) d(omi)no lud(ovico) py(n)noc milite will(el)mo/ lomb(ar)t waltero wit(te)[ma(n)] (et) ar(nol)[do] vynck scab(in)is lov(aniensibus) maii xvii