Cond sij allen lieden dat willem van bakerem diemen heet coeke sone/ gielijs wilen van bakerem diemen hiet coeck die na de(n) rechte d(er) stat/ van loeven mette(n) meye(r) en(de) scepen(en) van loeven comen en(de) geleidt is/ tot allen den goeden have en(de) erve joffr(ouwe) marien van coudenb(er)ghe weduwe/ jans wilen froyer van bruessele en(de) philips vyleyn die haerre docht(er)/ heeft so waer die goede bynnen den h(er)toeghdo(m)me va(n) braba(n)t/ gelege(n) en(de) met wat namen die genoemt zijn Es come(n) in jegenwordich(ei)[t]/ d(er) scepen(en) van loeven en(de) heeft bekendt en(de) v(er)lijdt openbaerlic dat de/ voirs(creven) joffr(ouwe) marie hebben en(de) behouden sal haer tocht inde goede/ voirscr(even) gelijc si die na den lantrecht d(aer) in sculdech is te hebben/ niet wederstaende den beleyde voe(r)scr(even) Hier wae(re)n ov(er) wout(er)/ wittema(n) et andries van voshem scepene(n) van loeven gegeve(n)/ vier daghe in januario int jae(r) xiiii[c] en(de) xxxvii