Van lijsbette(n) vand(er) voert docht(er) arnts wilen vand(er)/ voert weduwe mertens wilen vande(n) loymorte(re)/ Het sijn comen int recht voe(r) meye(r) ende scepen(en) van loeven inde/ banc ald(aer) de voirs(creven) lijsbeth vand(er) voert in deen side ende/ margriete en(de) kath(er)ine mertens gesuste(re)n nat(ur)lic dochte(re)n h(ere)n jans wile(n)/ mertens priest(e)r die voe(r) met are geleidt sijn tot de(n) goeden des selfs/ wilen h(ere)n jans haers vaders in dande(re) daer de vors(creven) twee gesust(ere)n/ den brief vande(n) beleyde voirs(creven) inden rechte dede(n) lesen v(er)suekende/ datmen hen vanden goeden des vors(creven) haers vaders houden woude/ in hae(re)n beleyde voi(r)s(creven) Also dat daer na de voirs(creven) lijsbeth vand(er)/ voert een aensprake dede op de vors(creven) goede te wete(n) opte goede/ gehete(n) vanden loymorte(r) gelege(n) inde p(ro)chie van berlaer tussche(n) de/ goede jans voeghts en(de) tussche(n) de goede kath(er)ine bruyns en(de)/ neve(n) de strate gaende ter kerken wart aldaer daer op eysschende/ drie veerdelen rogs d(er) mate(n) van mechele(n) erflex pachts want/ de voirs(creven) wile(n) h(er) jan mertens de voirs(creven) goede in tiden voirleden/ jege(n) de(n) voirs(creven) wile(n) merten vanden loymorte(re) wettich man der/ voirs(creven) lijsbette(n) genome(n) hadde op vier zister rogs d(er) maten/ voirs(creven) erfs pachts d(aer) af de drie siste(re)n kath(er)ine vande(n) loymorte(re)/ des vors(creven) wile(n) mertens zust(er) jaerlex noch heft en(de) de kerke van/ yetegheem een vierdel rogs Aldus dan blive(n) d(er) vors(creven) lijsbette(n)/ en(de) sculdech sijn te bliven de voirs(creven) drie vierdele(n) rogs gelijc sij/ dat bethoende met vele meer redene(n) en(de) thoe(n)nissen die sij/ noch daer toe in haerer voirs(creven) aensprake(n) dede segghe(n) en(de) beleyde/ Daer op de voirs(creven) twee gesuste(re)n hen ond(er) den ande(re)n met/ vele redene(n) v(er)antwerden biden welken sij claerlic meyndden/ dat sij en(de) hae(r) goede vanden voirs(creven) iii vierdelen rogs erfs pachts/ ongehouden selen selen zijn Also dat de meye(r) van loeven maende/ de scepen(en) van loeven die wijsde(n) nae(r) een vonnisse na aanspra/ ke na v(er)antwerden na thoe(n)niss(en) en(de) na al dats voe(r) hen/ / comen wae(r) dat want de saken van erfpachte rue(re)nde/ wae(re)n dat sij de p(ar)tijen d(aer) af setten inden hof en(de) ter/ plaetsen daer dat behoert recht ald(aer) te nemen en(de) te geven/ cor(am) py(n)noc milite lombart jud(oco) absoloens witteman/ vynck boys voshem decembr(is) xiiiii libro xxxvii