Van woute(re)n vanden vekene/ Tvonnisse tusschen den vors(creven) woute(re)n vanden vekene/ in deen side en(de) henricke(n) keld(er)mans als wettich man en(de)/ mombour barbare(n) sijns wijfs nat(ur)lic docht(er) gielijs wile(n)/ radewart janne guldentop als mombour sijns wijfs oec nat(ur)lic/ docht(er) des selfs wilen gielijs radewart en(de) ande(re)n natuerlike(n) dochte(re)n/ des selfs wilen gielijs in dand die ov(er)mids vonnisse va(n) scepene(n)/ brieve(n) van loeve(n) gegoedt zijn inde goede hier na bescreve(n) Inde(n)/ yersten in een stuck eeusels gehete(n) tgroeteeusel gelege(n) inde/ p(ro)chie van yeteghem int goet ter loe tussche(n) de goede jans/ fyen en(de) de goede gielijs ghijsmans It(em) in een stuk lants ge/ heten therystuck gelege(n) bide goede voirscr(even) welke stucke(n) beyde/ te gade(r) houden drie boende(r) oft daeromtrent in dande(r) side/ Daer [sij hen] in beyden side(n) thoe(n)nisse v(er)mete(n) hadde(n) Den dach va(n) thoe(n)nisse/ comende qua(m) de voirs(creven) wout(er) en(de) leydde sijn thoe(n)nisse gelijc hi hem/ v(er)meten hadde den vors(creven) henricke(n) keld(er)mans met sine(n) medep(ar)tijen/ inde(n) rechte met hae(re)n thoe(n)nisse niet comende es dat de vors(creven)/ wout(er) vanden vekene bliven sal inde voirs(creven) goede op den pacht/ die daer voe(r) uutgheet gelijc de(n) scepen(en) brief va(n) yeteghem/ vande(n) date m cccc en(de) vijfthien de(n) elfsten dach va(n) sporkylle/ begrijpt en(de) inhelt cora(m) lombart abs(oloens) wit(te)[ma(n)] vynck boys/ voshem martii xiii