Van gielise reynkens/ Item van dat de voirs(creven) gielijs gielijs reynkens aensprack inden/ rechte voer meye(r) en(de) scepen(en) van loeve(n) henricke box meynende/ en(de) seggende dat hij na den lantrecht een wittighe momboer/ wae(r) en(de) sculdich wae(r) te sijn van den kijnde(re)n mathijs wilen/ box na dien dat hij wittich oem wae(r) vandes vad(er)s siden en(de)/ versueken(de) inden rechte dat de voirs(creven) henric box die oude oem/ was vanden voirs(creven) kijnde(re)n sijn hande doen woude vander/ voirs(creven) momborien Dair op de voirs(creven) henrick box hem verant/ werde ond(er) den ande(re)n rue(re)nde dat hij na der banck recht/ daer ond(er) der voirs(creven) kijnde(re)n goede gelegen sijn gestelt wae(r)/ maer inden rechte ov(er)gaf so waer hij met den rechte der/ voirs(creven) momborien ontslagen mocht sijn sond(er) hem d(aer) af namals/ crot en(de) hijnd(er) te hebben dat hij dan d(er) voirs(creven) momborien g(er)ne/ ledich woude sijn Met meer worden die [hij] inde(n) rechte d(aer)toe/ dede seggen hevet tvo(n)nis d(er) scepen(en) van loeve(n) gewijst/ dat die oem vanden voirs(creven) kijnde(re)n van svaders sijden v/ vanden selve(n) kijnde(re)n momboer sijn sal cor(am) pynnoc/ lomb(ar)t wittema(n) vynck maii xvii