Item uut dien dat tusschen ja(n)nese van deurne henricken/ van kuyck ende gheerde zanne(n) swaghe(re)n des selfs jannes seker/ vorwarden gedaen en(de) gemaect sijn de welke clairlic en(de) opent/ lic gescreve(n) staen in desen boeke twee daghe in octobri/ onder den ande(re)n begripende datmen vanden gemeynen/ goeden die den voirs(creven) drie p(er)sone(n) bleve(n) sijn vander doot joffr(ouwe)/ magrieten wilen van loe werdynne was mathijs van/ deurne moeder en(de) vader des voirs(creven) ja(n)nes en(de) die hen/ bliven selen nae de doot des selfs mathijs vercope(n) soude/ alsoe veel ghels goets als c clinkarde gedragen om dair/ mede te betalen en(de) te vervallen de zoene vande(n) dootslage/ dien de voirs(creven) ja(n)nes gedaen heeft aen heyne(n) wilen van/ libbeke En(de) soe wes de selve zoene meer gedroeghe/ dan c clinkarde datme(n) dat neme(n) soude aen tgedeelte/ vande(n) goeden des voirs(creven) ja(n)nes alleen dat hem vanden/ voirs(creven) sinen vader en(de) moed(er) blive(n) sal ende oec de selve/ ja(n)nes geconsenteert heeft ge en(de) gewillecoirt meest(ere)n/ goerde gheerts voirs(creven) sine(n) oem die nae den rechte/ der stat van loven(e) beleit is tot den goeden des/ voirs(creven) mathijs van deurne in geheele(n) stoele dat/ hij de voirs(creven) vorw(er)de met den voirs(creven) beleide doen soude/ volvue(re)n gelijc tselve consent bijden voirs(creven) vorwarden/ / geteekent staet Dair om eest dat de voirs(creven) meester gheert/ come(n) is in tegewoirdicheide(n) der scepen(en) van loven(e) ende heeft/ gekent ende gelijt dat hij den voirs(creven) beemt den voirs(creven) henr(icke)/ van kuyck vercocht heeft om dair mede te betalen ende te/ vervallen de voirs(creven) zoene dair voe(r) de voirs(creven) henric van kuyc/ en(de) gheert zanne(n) borge bleve(n) sijn Te weten i(½) zille vande(n)/ voirs(creven) beemde voir de voirs(creven) c clinkarde die sij vande(n) gemei/ nen goeden sculdich sijn te draghen en(de) gelijc te ghelden/ en(de) dander ii(½) zille voir tremanant vander selver zoenen/ mette(n) pontgelde en(de) coste dieter op gegaen es Welc rema/ nant vande(n) gedeelte des voirs(creven) ja(n)nes alleen sculdich es te/ gaen also dat na begrijp vande(n) voirs(creven) yersten vorw(er)den de voirs(creven)/ henr(ic) van kuyc en(de) gheert zanne(n) sculdich sele(n) sijn te hebben/ nae doot des voirs(creven) mathijs voir de voirs(creven) ii(½) zille beemts/ die van ja(n)nes gedeelte alleen sculdich sijn te gaen elc van/ hen ii(½) zille beemts vande(n) ande(re)n goede(n) des voirs(creven) mathijs/ voir uut en(de) dan voirt gelijc deylen nae inhoude(n) vanden/ selve(n) yerste(n) vorw(er)den ind(er) selv(er) weerde(n) dat den voirs(creven) beemt/ vercocht es te wete(n) elc zille c licht(er) gul(den) den gulden voir/ x stuvers gerekent boys voshem dece(m)br(is) xi