Van woute(re)n luyten/ Item want luberecht box die na den rechte der stat va(n) loeve(n)/ comen en(de) geleidt is tot de(n) goeden jans ke(m)mers van he(re)nthals/ bi woute(r) versueck van woute(re)n luyten tot loeve(n) ingescreve(n)/ was om dat de voirs(creven) lubrecht mids macht vanden vors(creven) beleyde/ den selven woute(re)n aen seke(r) goede ongebruyck dede en(de) de vors(creven)/ lubrecht tot de(n) daghe dat hi ingescreven was niet en qua(m) so/ wijsde(n) de scepenen van loeven bi mae(n)nissen smeyers van loeven/ voe(r) een vonnisse dat de voirs(creven) wout(er) luyten sijn recht voert volge(n)/ soude gelijc hi dat begonne(n) hadde inden hof daer de goede hove(n)/ daer af op tijt mencie gemaect wart gelijc tregister d(aer) af/ gescreve(n) in helt opten x[sten] dach van decembri lest leden/ inhelt ende desen niet wed(er)staende de voirs(creven) lubrecht meynende/ dat hem den brief d(er) stat van loeven daer mede hi vande(n) vors(creven)/ woute(re)n luten ingescreve(n) w(er)t in tijts niet en qua(m) en(de) dat daer/ om hi mogelike(n) staen soude op sijn yerste recht met vele redene(n)/ en(de) woerde die hi daer toe seyde also dat hi de(n) vors(creven) woute(re)n/ luyten wed(er) tot loeven in dede scriven voe(r) den rade vand(er) stat/ daer beyde de p(ar)tien q(ua)men en(de) elc van hen hae(r) bescheyt/ ald(aer) op deden die daer en teynden de p(ar)tijen voirscr(even) wed(er)/ sette(n) voe(r) meye(r) en(de) scepenen van loeven voirscr(even) hen te wete(n)/ de p(ar)tijen voirscr(even) in beyd(en) siden int opte(n) dach van huden/ / wed(er) int recht comen zijnde en(de) elc van hen sijn bescheyt op gedaen/ hebbende bi mae(n)nissen smeyers van loeven wijsde(n) de scepen(en) van/ loeve(n) voe(r) een vonnisse dat si bleven bi alsulke(n) vonnisse als sij/ voe(r) hier af gewijst hebbe(n) cora(m) py(n)noc milite absoloens/ witteman vynck boys voshem decembr(is) xix[a]