Van janne gillijns/ Item inden gedinge dat geweest es voe(r) meye(r) en(de) scepen(en) van lov(en)/ tusschen janne gillijns in deen zijde en(de) bernaerde va(n) keerb(er)ge/ bastaerd in dande(re) Daeraff de(n) vors(creven) jan gillijns inden rechte/ thoende met goeden ma(n)nen dat de vors(creven) bernaerd van keerb(er)ge/zette te coepe zette eenen stuyver dien hij goed dede eenen rijder/ dat de vors(creven) jan gillijns zetten zoude xxv mudde corens/ te kerstmisse naestcomen(de) te leverene op eenen prijs daer hijt/ voe(r) geven en(de) nemen woude en(de) dat de vors(creven) jan gillijns zette/ op xiiii placck(en) thalst(er) en(de) dat doen de vors(creven) bernaerd/ coren koes te leverene en(de) dat zij malcande(re)n geloefden d(aer)aff/ vasticheit te doen Hevet tvo(n)nisse d(er) scepen(en) van love(n) gewijst/ dat de p(ar)tien malcande(re)n voldoen zullen vand(en) coepma(n)scap gelijc/ als de waerheit gedragen heeft lomb(ar)t abs(oloens) boys voshem/ ja(nuarii) xviii