Cond sij allen lieden dat brueder jacob van reppeemont convers/ p(ro)fess des ol goidshuys van sh(er)toge(n)dale als p(ro)curator en(de) mechtich vanden/ voirs(creven) goidshuyse es come(n) in jegewoirdicheide(n) der scepen(en) van loven(en) en(de)/ heeft geno gegheve(n) en(de) bekent dat hij gegeve(n) heeft inde(n) name en(de)/ van wegen des voirs(creven) goidshuys [henricke(n) de mu(n)te(re)] de goede en(de) de lande des selfs goidsh(uys)/ gelege(n) omtrent den voirs(creven) goidshuyse also verre als henric vanden/ dale die houdende was en(de) niet voirder Te houden te hebben en(de) te/ wynne(n) van sent jans misse baptiste(n) lestleden ene(n) t(e)rmijn van neghen/ jae(re)n langc deen nae dander dair nae sond(er) middel volgende elx/ jairs dae(re)n bynne(n) op de helcht vand van alle(n) den coerne en(de) vruchte(n)/ opde voirs(creven) lande jairlix wassende Ende es vorwarde dat de voirs(creven)/ henr(ic) den voirs(creven) goidshuyse alle de helcht vande(n) voirs(creven) vruchte(n) in coe(re)n/ in tarwen in rogge ghersten evene(n) erwete(n) in sijn schue(re) vuere(n) sal/ op sine(n) cost en(de) van allen vruchte(n) den goidsh(uyse) dierste voeder invue(re)n/ en(de) hem selve(n) dair nae dand(er) en(de) dan wed(er) den goidsh(uyse) en(de) also ver/ volgende tot dat al ingevuert sal wesen It(em) sal de voirs(creven) wynne/ de wynne(n)de lande [wynne(n)] dat es dwynt(er) coe(re)n te vier vore(n) ty tijtlic en(de)/ de evene op ii vore(n) en(de) de gherste op iii vore(n) de brake en(de) destorte/ op twee tijdege voe(re)n ende hij sal de lande also late(n) besaeit gelijc/ hij die vijnt tsine(n) income(n) voirtmeer heeft de voirs(creven) brued(er) jacob/ noch gegeve(n) en(de) bekent dat hij gegeve(n) heeft den voirs(creven) henr(icken)/ vandes voirs(creven) goidsh(uys) weghen seve(n) boender beems gelege(n) gelege(n)/ omtrent ts tgoidsh(uys) en(de) te gotteke(m) also verre alse de voirs(creven) henr(ic)/ vande(n) dale hadde en(de) niet voirder Te houde(n) en(de) te hebben/ den voirs(creven) t(er)mijn due(re)nde elx jairs dae(re)n bynne(n) voir veertich/ rijnsce gul(den) d(er) mu(n)te(n) vande(n) vier coirvorste(n) goet en(de) gheeve / oft de weerde dair af half tons(er) vrouwe(n) dage lichtmisse ende/ dander helcht bynne(n) meys te betale(n) jairlix den voirs(creven) t(er)mijn/ due(re)nde quol(ibet) ass(ecutu)[m] It(em) sal de voirs(creven) wynne hebben half de weye/ vande(n) bog(ar)de [achter] den voirs(creven) t(er)mijn due(re)nde acht(er) de schue(re) en(de) tvier/ tvierdel vande(n) oeste aldaer opte voirs(creven) goede wassende den voirs(creven) t(er)mijn/ due(re)nde It(em) sal de voirs(creven) wyn hebben jairlix den voirs(creven) t(er)mijn due(re)nde/ drie boend(er) lands tot crucken en(de) tot erwete(n) d en(de) dies sal m(ijn)/ vrouwe va dabdisse vande(n) voirs(creven) goidsh(uyse) dair tege(n) hebben drie/ boend(er) evene(n) en(de) die evene sal de wynne m(ijn) vrouwe(n) voirs(creven) op/hoe(re)n solde(re)r leve(re)n op sine(n) cost in hair scue(re) en(de) dies sal de/ wynne hebbe(n) tcaf en(de) tstroe vand(er) selv(er) evene(n) voirt sal de
//
wynne voirs(creven) voir uut hebben dbloc acht(er) de nederste schue(re) alsoet henr(ic)/ vande(n) dale hadde It(em) sal noch hebben de voirs(creven) wynne den hof belegen/ neven de strate achter den lochte(n) vander spelten opwairt en(de) dand(er) sal m(ijn)/ vrouwe hebben It(em) sal m(ijn) vrouwe voirs(creven) voir uut hebben een bloc van/ vii dach(mael) groet gelege(n) bynne(n) den cloest(er) acht(er) de getijghelde schue(re) voirt/ sal de wyn hebben een half boend(er) boschs alsoement hem op dbosch/ opten houwe bewise(n) sal te berne(n) en(de) hij en maechs niet vercopen/ noch ewech gheve(n) en(de) en hadde de voirs(creven) wynne dair aen niet berrin/ ghen genoegh soe soude men he(m) . dander berri(n)ge bewise(n) in hegge(n) en(de)/ in haghen ter minster scade(n) It(em) sal de voirs(creven) wynne de beemde vanden/ goidsh(uyse) voirs(creven) betuyne(n) en(de) bevrede(n) en(de) die betuynt en(de) bevreet late(n) also/ hijse vijnt en(de) de wate(re) grachte(n) beke en(de) beke(n) sal de voirs(creven) wyn r rume(n)/ en(de) vage(n) en(de) also houde(n) [en(de) late(n)] gelijc hijse vijnt en(de) late(n) tsijnre incompst/ It(em) sal de voirs(creven) wynne m(ijn) vrouwe(n) voirs(creven) leve(re)n alle jae(re) iii[c] walme(re) om / de huyse d(aer) mede te decken en(de) alsme(n) die verdect d(aer) af sal de wynne den/ werclieden den montcost gheve(n) en(de) m(ijn) vrouwe de dachue(re)n betale(n) It(em)/ sal de voirs(creven) wyn de huyse vande(n) voirs(creven) goede(n) houden op sine(n) cost vand(er) onder/ ster rikelen nederwairt It(em) sal de voirs(creven) wynne leve(re)n der kellerssen/ vande(n) voirs(creven) goidsh(uyse) inde(n) wynt(er) alle dage ene(n) scoef stroes tot hae(re) coe/ behoef en(de) dies sal de wynne dmest d(aer) af hebben It(em) voirt mach de/ voirs(creven) wynne op m(ijn) vrouwen bosch houde(n) gaende met m(ijn) vrouwen/ beesten xiii stucke(n) b hoe(re)n bees en(de) hij sal sine(n) heerde houde(n) en(de)/ met m(ijn) vrouwe(n) heerde uut en(de) in driven elkerlijc op sine(n) last/ It(em) sele(n) oec des wynne(n) verken uut en(de) in gaen met mijnre vr(ouwen)/ verken en(de) elc op sine(n) last en(de) wairt also datter eekelen gebraken/ Soe en sal de wynne op m(ijn) vrouwe(n) bosch doen acht verken op also/ dat hijse niet vercope(n) en sal It(em) sal de voirs(creven) wynne hebben van/ elke(n) brousel biers datme(n) int goidsh(uys) brouwe(n) sal xv pot hoppen/ love(n)sch(er) mate(n) It(em) sal de voirs(creven) wynne m(ijn) vrouwe(n) voirs(creven) mesten wy(n)ne(n)/ end(e) drive(n) drie dachmael rapen daer me(n)se hem bewise(n) sal en(de)/ die rape(n) salme(n) uutrecke(n) omtrent s(en)te hubrechts dach It(em) sal/ de voirs(creven) wynne ten tijde alst behoeflic es voir den oeghst de voirs(creven)/ vrucht opte voirs(creven) lande wassende huede(n) en(de) verwae(re)n voir wilde/ en(de) ta(m)me beeste(n) also dat d(aer) aen gheen scade en gesciede en(de) dies/ sal hij van m(ijn) vrouwe(n) hebbe(n) jairlix een mudde rox It(em) heeft/ m(ijn) vrouwe voirs(creven) gelevert de voirs(creven) wynne ene(n) wage(n) met vijf/ p(er)den en(de) met alle getouwe(n) dair toe hoe(re)nde It(em) ii ploeghe twee/ eechden vier coeye en(de) xv verken gescat en(de) gepresen met goeden
//
ma(n) nen op drientsestich gul(den) peters der mu(n)te(n) h(er)toge ph(ilipp)us/ van bourg(oign)[en] en(de) van brab(ant) goet end(e) gheene de welke de voirs(creven)/ wynne geloeft heeft wed(er) te gheve(n) en(de) m(ijne) vrouwe(n) te leve(re)n te/ sine(n) afsceide(n) also goet ten prise van goede(n) ma(n)ne(n) of [dair voer] lxiii pet(er)s/ d(er) voirs(creven) mu(n)te(n) of de weerde d(air) af It(em) heeft m(ijn) vrouwe vrouwe/ gelev(er)t den voirs(creven) wyn hondert en(de) xxv scape de welke hij wel/ en(de) loflic voede(n) sal en(de) d(air) af sal de wynne voirs(creven) hebben te meyne/ naestcome(n)de half de wolle en(de) tvierdel vande(n) scapen en(de) dan/ soe sal m(ijn) vrouwe voirs(creven) den voirs(creven) wynne noch dair toe doen/ xxv scape(n) en(de) also selen dair te gader sijn c en(de) l scape(n) en(de)/ die sal hij te same(n) sine(n) t(er)mijn houde(n) en(de) wel en(de) loflic vuede(n)/ op half de wolle en(de) ten twee jae(re)n half de scape It(em) wairt/ sake dat den voirs(creven) goidsh(uys) e(n)nige scade gesciede van brande of/ van e(n)nig(er) veeden van swynne(n) wegen come(n)de die scade sal de/ wynne m(ijn) vrou den voirs(creven) goids(huyse) oprichte(n) en(de) bete(re)n ter taxacie(n)/ van goede(n) ma(n)ne(n) It(em) sal de voirs(creven) wynne tsijne(n) afsceide(n) alle/ dmest uutvue(re)n gelijc hijt vant tsine(n) aencome(n) It(em) sal de/ voirs(creven) wynne de voirs(creven) lande beemde en(de) goede jairlix wel ende/ loflic wynne(n) werven en(de) mesten gelijc sine(n) reengenote(n) bove(n)/ en(de) benede(n) Ende alle dese vors(creven) vorw(er)de(n) (et)c(etera) boys voshe(m) jul(ii)/ xv/