Cond sij allen lieden dat h(er) jan vande(n) hoerniecke prioer en(de) h(er)/ aert van ov(er)beke E pytanch(ie)r en(de) beyde canoncke(n) regulie(r) scloesters/ van percke sijn come(n) (et)c(etera) en(de) hebben gegeve(n) en(de) bekent dat sij/ gegeve(n) hebben inde(n) name en(de) van wegen sco(n)vents vande(n) voirs(creven)/ cloeste(r) janne de smet van erkene(n) alle de lande beemde ende/ eeussele den selve voirs(creven) co(n)vent [toebehoe(re)nde] gelege(n) te erkene(n) en(de) aldair om/ trent met allen den gedeelte en(de) rechte dat tvoirs(creven) co(n)vent heeft/ inde groete thiende van erkene(n) tgelijc als tvoirs(creven) co(n)vent de voirs(creven)/ lande beemde en(de) eeussele en(de) tgedeelte vand(er) thiende(n) aldair
//
houdende es te houde(n) te hebben en(de) te wynne(n) [van] sentjansmisse baptisten/ lestleden ene(n) termijn van twelf jae(re)n langc deen nae dander dair nae/ sonder middel volgende Elx jaers dae(re)n bynne(n) om achtentwintich mudde/ rogs goet en(de) payabel der mate(n) van loven(en) alsulx als dair omtrent ghe/ meynlic wassen sal met wa(n)ne en(de) met veede(re)n wel bereit te sente andries/ messe apostels te betale(n) en(de) bynne(n) den voirs(creven) cloester te leve(re)n alle jae(re) den/ voirs(creven) t(er)mijn due(re)nde en(de) elke(n) t(er)mijn als vervolghde schout alsoe dat de/ voirs(creven) wynne bynne(n) den voirs(creven) t(er)mine twelf jae(re)n betale(n) sal twelf pachte/ met alsulk(er) vorwarden soe wanneer hij den voirs(creven) pacht int voirscr(even) cloest(er)/ leve(re)n sal datmen hem dan doen sal sine(n) montcost met alsulk(er) vorw(er)de(n)/ dat de voirs(creven) wynne de voirs(creven) lande bynne(n) den voirs(creven) t(er)mine wel en(de) loflic/ tweewerf ov(er)meste(n) sal te wete(n) talle(n) sesse jae(re)n eens gelijc reen/ Ite(m) mach de voirs(creven) wynne bynne(n) den voirs(creven) t(er)mine de haghe(n) afhouwen/ willege(n) en(de) popele(re)n truncke(n) ten behoirleke(n) tijde(n) Ende wairt dat dair/ e(n)nige boome verdroeghde(n) die sal de voirs(creven) wynne moege(n) afhouwen/ en(de) voir elke(n) twee poten sette(n) vande(n) selve(n) aerden wairt oec alsoe/ dat de voirs(creven) wynne aen de voirs(creven) goede en(de) thiende(n) bynne(n) den/ voirs(creven) t(er)mine(n) scade name van te(m)peeste of van gemeyne(n) orloghe/ d(aer)af sal hem tvoirs(creven) co(n)vent rastoer doen gelijc ande(re) he(re)n hoe(re)n/ wynne(n) bove(n) en(de) benede(n) doen selen behoudelic dien dat hij/ hen die scade condige(n) sal bynne(n) xiiii nachte(n) nae dat sij gesciet/ sijn sal (ende) voirt es voirw(er)de dat de voirs(creven) wynne de voirs(creven) lande laten sal/ ten eynde vande(n) voirs(creven) t(er)mine alsoe hijse vant te sine(n) aencome(n) dats te/ weten drie boender in hezendelle en(de) noch een boend(er) in hezendelle/ gelege(n) neve(n) dlandt sjoncke(re)n van zeyne wel en(de) loflic besaeit ende/ gewonne(n) met wijnt(er)coerne op vier getidege vo voren Item vier/ boender ende anderhalf dach(mael) besaeit wel en(de) loflic met zom(er)coirne/ op twee getidege voe(re)n Ite(m) de brake te wete(n) iii dach(mael) lands ende/ noch (½) boend(er) lands gelegen neve(n) den bosch des h(e)r(e)n van lynthre/ ende noch een dach(mael) lands gelege(n) neve(n) den bosch voirs(creven) It(em) noch (½) een/ dach(mael) lands gelege(n) neve(n) den selve(n) bosch It(em) noch een dach(mael) lands geleg(en) ald(aer) inden hornoc neve(n) den voirs(creven) bosch It(em) (½) boender lands/ gelege(n) te heyzen sal de voirs(creven) wynne late(n) ten eynde van sine(n) t(er)mine/ twee w(er)ven om gedaen Voirt es w vorw(er)de dat de voirs(creven) wynne ten/ lesten jae(re) vande(n) voirs(creven) t(e)rmine h gheen recht hebben en sal in der vrucht/ staende en(de) sijnde ten eynde vande(n) voirs(creven) t(er)mine op de voirs(creven) lande mer/ dat die geheelic en(de) al volge(n) sal en(de) toebehoe(re)n den voirs(creven) co(n)vente
//
en(de) desgelijx en sal hij oec gheen recht hebben inde beemde noch/ inde thiende voirs(creven) buyte(n) sine(n) voirs(creven) t(er)mine Ende alle dese vorw(er)de(n)/ voirt es vorwarde dat de voirs(creven) wynne alle jai tijt den voirs(creven)/ t(er)mijn due(ren)de houde(n) sal wel en(de) loflic op sine(n) last de straten en(de)/ weghe en(de) omtrent den voirs(creven) goede(n) en(de) de rivie(re)n en(de) wate(re)/ dair aen come(n)de wel en(de) loflic ruyme(n) en(de) vaghe(n) alst te doen/ sijn sal oec op sine(n) cost It(em) sal de voirs(creven) wynne jairlix den/ voirs(creven) t(er)mijn due(re)nde betalen alle den tsijs last en(de) co(m)mer/ uut den voirs(creven) goede(n) gaende alsoe in tijts en(de) in ure(n) dat/ den voirs(creven) co(n)vente dair af gheen scade en come op also dat/ men hem dat afslaen sal vander voirs(creven) so(m)men Ende/ alle dese vorwarde(n) (et)c(etera) hier af sijn borgen des voirs(creven)/ wynne(n) als p(ri)ncipael (et)c(etera) indivisim Segher desmet sijn/ brueder en(de) reynuwart des blanckes da(m)mes p(ri)mus vync/ voshem julii xv/