It(em) gheert bastarts van breydeshem es come(n) in jegenwordicheyt/ d(er) scepen(en) van loeven en(de) heeft genome(n) en(de) bekendt dat hi genome(n)/ heeft van servase vande(n) nethele(n) scrijnmake(r) alle de wynnende/ lande des selfs s(er)vaes gelijc hi die inde p(ro)ch tot breydeshem houde(n)de is/ Te houden te hebbe(n) en(de) te wynne(n) van half merte naest voirlede(n) ene(n)/ t(er)mijn va(n) xviii ja(r)en lanc deen na dand(er) d(aer) na sond(er) myddel volgende/ elcs jaers daer en bynne(n) om neghen mudde rogs goet en(de) payabel met/ wa(n)ne en(de) met vede(re)n wel bereydt d(er) mate(n) va(n) loeven ts(in)te andries misse/ apostels te betale(n) en(de) te loeve(n) te leve(re)n alle ja(r)e de(n) vors(creven) t(er)mijn duer(ende) en(de) telke(n)/ termijn alse vervolghde schout En(de) is vorwerde dat de vors(creven) gheert/ op dleste ja(r)e vanden vors(creven) t(er)mijn dwynt(er)coren dat op de vors(creven) goede/ gewassen sal sijn indoen en(de) hebbe(n) sal It(em) de sal de vors(creven) gheert/ de vors(creven) lande [hie(re)n bynnen] wel en(de) loflic wynne(n) en(de) werven gelijc sine(n) reengenote(n) bove(n)/ en(de) benede(n) en(de) die bynnen den selven t(er)mijn ten behoerelike tijde vierw(er)f/[driewerf] wel en(de) loflic ov(er)mesten en(de) opte leste drie ja(r)e eens [ov(er)meste(n)] slants meeste(n)/ p(ro)fijte keyenoghe hug(ar)den sept(embris) xx