Van janne bloc de weerd/ Van alsulken gedinge als geweest is voe(r) meye(r) en(de) scepen(en) van lov(en)/di tusschen den vors(creven) ja(n)ne de weert die met eenen contulit come(n)/ is tot eene(n) halve(n) boend(er) lants dat wilen was jans bloc die me(n) heett/ cooman gelegen inde p(ro)chie van assche op den boeckvos trij biden lande/ henric moeyenzoens Daeraff de(n) h(ere)nhenric vand(en) brugghen p(ri)est(er) jan/ zijn brued(er) meyndden en(de) deden zegghe(n) dat de vors(creven) jan de weert/ met de(n) vors(creven) contulit aen tvors(creven) land v(er)doolt wae(re) by zeke(re)n reden(en) die/ zij inde(n) rechte deden zeggen Op dwelke de vors(creven) jan de weert/ andwerdde segghen(de) alwaert al also zo zij geseeght hadden zo en/ hadde(n) zij nochta(n) noch t(er) tijt geene(n) mont te spreken nadien dat des/ vors(creven) h(ere)n henrics en(de) jans moed(er) die wijf es des vors(creven) jans block/ noch leeffde Was tvo(n)niss dat de zelve h(er) henric en(de) jan met/ hoirer vors(creven) aenspraken aen de vors(creven) goede noch ter tijd te vroech/ op wae(re)n cor(am) lomb(ar)t abs(oloens) lye(mingh)[en] roel(ants) cap(elle)[ma(n)] velde lynth(re) iu(n)ior(e)/ ja(nuarii) xxviii/