Want stoet en(de) geschille opverstaen es tuschen mathijse mathijs soe jans/ mathijs die na den rechte der stat van loeve(n) geleidt es tot de(n) goede(n)/ remeys vande(n) hake van tielt en(de) den selve(n) remeys in deen zijde ende/ jan le(m)mens van ons(er) vrouwen tielt in dande(re) Alse van alsulken/ goeden beide have en(de) erve als bleven sijn na de doet henrics en(de)/ jans van nossenb(er)ghen gebruede(re)n en(de) katline(n) van ossenb(er)ge sijnre [hoerre]/ zust(er) die te ma(n)ne hadde laureys socs welc laureys en(de) katline/ zweer en(de) zweeg(er) wae(re)n des voirs(creven) remeys en(de) jan le(m)mens en(de)/ voert van allen ande(re)n gescillen die sij tegen malcande(re)n uut/ staende moegen hebben tot den dage toe van heden So eest [Ende]/dat de voirs(creven) p(ar)tien des comen sijn voer scepen(en) van loeve(n) en(de)/ hebben hen van allen den voirs(creven) stoete en(de) des daer aen cleve(n)/ mach gekeert en(de) gesubmitteert in segge(re)n en(de) in vriendelike yffene(re)n/ te weten de voirs(creven) mathijs en(de) remeys in henricke(n) vand(er) voert/ en(de) elyaes vanden ve(n)ne en(de) de voirs(creven) jan le(m)mens in ja(n)ne de/ snyde(re) geheten vanden doren en(de) ja(n)ne dyllen en(de) hebben geloeft/ vast en(de) gestedich te houden so wes de voirs(creven) segge(re)n vanden voirs(creven)/ stoete eendrechtelich seggen selen So eest dat de selve iiii/ segge(re)n des comen sijn voer scepen(en) van loeve(n) en(de) hebben hoir/ seggen vanden stote geseeght en(de) gep(ro)nu(n)cieert ind(er) manie(re)n als/ hier na volght Inden yersten es hoir seggen na dien dat de/ voirs(creven) ka wilen katline voe(r) van ossenb(er)ge lang(er) leefde dan katline/ho wilen hoer dochter die de voirs(creven) jan le(m)mens te wive hadde/ en(de) gheen gebuerte van hem achter gelaten en heeft dat den/ voirs(creven) remeyse sinen erfgename(n) en(de) nacomelingen als mo(m)boir/ lijsbetten sijns wijfs noch levende dochter d(er) voirs(creven) wile(n) katline(n)/ der moeder tot eeuweliken dagen volgen selen alle de goede/ beide have en(de) erve die bleve(n) sijn na de doet des voirs(creven) henrix/ en(de) jans van nossenb(er)ge laureys socs en(de) katlinen sijns wijfs/ om daer mede te doen sinen vryen eyghene(n) wille Voert/ es hoir seggen dat de voirs(creven) remeys den voirs(creven) ja(n)ne le(m)mens/ daer voe(r) gheven sal twee mudde rogs goet en(de) payabel met/ wa(n)ne etc(etera) d(er) maten van loeve(n) lijfpensien ten live des voirs(creven)/ jans te sente andries misse apostels te betalen en(de) te tielt/ te leve(re)n alle jae(re) also lange als de voirs(creven) jan leve(n) sal en(de) niet/ lang(er) en(de) desgelijx acht gulden pet(er)s d(er) mu(n)ten sh(er)togen etc(etera)/ eens te betalen te halfvasten naestcomen(de) behoudelic dien/ dat de voirs(creven) remeys de selve lijfpensie lossen mach ende/ afquiten van sente andries misse naestcomen(de) ov(er) drie jaer daer
//
naest volgen(de) met twintich gulden rijd(er)s d(er) mu(n)ten ons gened(ichs)/ he(re)n voirscr(even) en(de) met vollen pachte It(em) es noch hoir seggen/ wart also dat henrick van ossenb(er)ge des voirs(creven) wilen jans van/ ossenb(er)ge soen buyten lants wesende noch leefde en(de) bynnen/ lants quame dat dan de voirs(creven) jan le(m)mens den voirs(creven) remeyse/[tgelt vande(n)] deene(n) mudde rogs vanden voirs(creven) tween wed(er)ke(re)n soude op/ datt die afgeleeght en(de) gequeten wae(re)n en(de) of sij niet/ afgequijt en wae(re)n dant dan deen vande(n) d(aer) af quijt sijn sal/ Voert es hoir seggen dat de voirs(creven) p(ar)tien mids den seggen voirscr(even)/ van allen stote en(de) gescille die sij tegen malcande(re)n uutstaende/ hebben ten dage toe van heden vereenicht sijn selen en(de) bliven/ goede gevriende tot ewigen dagen Welke seggen aldus/ vanden voirs(creven) segge(re)n uutgesproken de voirs(creven) p(ar)tien [remeys in deen side en(de) jan le(m)mens in dande(re)] belieft ende/ aengenomen hebben en(de) geloeft dat vast en(de) gestentich te houde(n)/ en(de) te voldoen tallen tiden als dat geboe(re)n sal en(de) telke(n) t(er)mijn/ als vervolghde schout en(de) des sijn borghen des voirs(creven) remeys/ vanden hake als p(ri)ncipael sculde(re)n ongesund(er)t en(de) ongesceiden/h de voirs(creven) elyaes vande(n) venne hubrecht van bexhem/ en(de) henrick goethuys beide van tielt Primus abs(oloens) roel(ants) ja(nuarii)/ xxviii/