It(em) want arnt van pantgate va(n) wezemael die/ na de(n) rechte d(er) stat va(n) loeven comen en(de) geleidt is/ tot de(n) goede(n) peters wilen va(n) haren tot loeve(n) inhadde/ doe(n) sc(ri)ven de(n) meye(r) va(n) wesemael mids ongebruyc wille/ dat de vors(creven) meye(r) appel afgedaen hadde van die gewasse(n)/ wae(re)n op ene(n) hof liggende aen thuys des vors(creven) wilen/ peters gelege(n) te wesemael tussche(n) de goede willems/ crols en(de) de persse henrics wederix En(de) oec om dat de/ selve meye(r) he(m) oec de vors(creven) geheel goede ongebruyck/ make(n) sou woude En(de) al waest also dat de vors(creven) meye(r) tot/ loeve(n) qua(m) So en p maecte hi he(m) nochtan niet rechts weert/ Daer om eest dat de scepen(en) va(n) loeven gewijst hebbe(n)/ voe(r) een vo(n)nisse datmen de(n) vors(creven) arnde houde(n) sal/ vande(n) vors(creven) goede(n) in sinen beleyde also v(er)re alst noch voe(r)/ scepen(en) comen wae(re) lomb(ar)t abs(oloens) roelants cap(elle)[ma(n)] lynthre/ sept(embris) xix/