Van henricke moeleman/ It(em) van alsulken gedinge als geweest es voer meye(r) en(de) scepen(en) van loeve(n)/ tuschen henricken moeleman als momboir lijsbethen sijns wijfs docht(er)/ jans wilen van brakel in deen zijde en(de) beatrijs weduwe wout(er)s wilen/ vand(er) straten in dande(re) alse van enen stuck eeusels houden(de) omtrent/ i(½) dachmael gelegen inde p(ro)chie van rotselaer t(er) stat geheten ter/ bev(er)sluys tuschen de goede gheerts vand(er) straten i en(de) de goede jans/ van langdorp Daer op in beiden sijden vele wairheiden ende/ thoenissen verhoert wordden was ten eynde tvo(n)nis dat den voirs(creven)/ henricke moeleman sijns wijfs kijnsgedeelte inde voirs(creven) goede/ volgen sal cora(m) scab(inis) in sca(m)pno dec(embris) xv/