Van ja(n)ne he(r) van wanghe en(de)/ goerde hocke jans sone/ Van alsulken xiiii groet roeden lands gelege(n) in een boend(er) lands tot/ wynde dair den wech doer gaet gaende te leeuwe wairt neven/ de goede der kijnde(re) lyebrechts wilen ghielijs en(de) d(er) armer goede/ van ov(er)wyngs ov(er)wynde dair op [af] de voirs(creven) jan he(r) van wanghe in/ deen zijde ende goert hock sone jans hock van wynde die nae den/ rechte d(er) stat van loven(en) beleit es tot den goede(n) des voirs(creven) jans/ sijns vaders in dande(r) in rechte gestaen hebben voir meye(r) en(de) scepen(en)/ van loven(en) in de banck aldair dair aensprake en(de) verantwerde(n) tussce(n)/ beyde de p(ar)tien gesciede en(de) thoenis verhoert wairt In welke(n) thoe/ nisse de voirs(creven) jan van wanghe thoende [onder den]dat hij opte voirs(creven) goede me [onder den ande(re)n]/ met sine(n) ma(n)ne(n) van leene dat hij voir gebrec van sijnre ma(n)scap/ opte voirs(creven) goede gevolght hadde deen genechte dander de derde en(de)/ de vierde en(de) dat altoes cond gedaen wairt met versche(n) ma(n)ne(n)/ den voirs(creven) ja(n)ne hock en(de) dat he(n) de voirs(creven) goede toegewijst wae(re)n mette(n)/ vo(n)nisse der selv(er) ma(n)ne behoudelic ene(n) yegelike(n) sijne(n) rechte en(de)/ de voirs(creven) goert hocke thoende oec ond(er) den ande(re)n dat tvoirs(creven) boend(er)/ lands hoefde ond(er) den hof der he(re)n van s(en)te denijs te lu van ludick/ in hoe(re)n hove tov(er)wynde en(de) gehoeft hadde ov(er) xxx jair en(de) dage/ en(de) dair tsijs betaelt hadde Voirt thoende hij dat hem d(air) tvoirs(creven) boend(er)/ lands bleve(n) wae(r) van sine(n) vad(er) en(de) oud(er)vader en(de) dat de voirs(creven) Voirt/ thoende hij met ii ma(n)ne(n) vande(n) voirs(creven) ma(n)ne(n) van leene dat de/ voirs(creven) xiiii roede(n) lands laghe(n) int voirs(creven) boend(er) lands (et)c(etera) Hevet/ tvonnisse der scepen(en) van loven(en) gewijst dat sij de p(ar)tien sette(n)/ inde(n) hof dair dat behoirt recht te gheve(n) en(de) te neme(n) opp(endorp)/ rike abs(oloens) ov(er)wynge vynkenb(osch) wynghe aug(usti) xx