It(em) Cond zij allen lieden dat jan van vorspoele es comen in/ jeg(enwordicheit) der scepen(en) van loeve(n) en(de) heeft verhuert en(de) bekent/ dat hij verhuerdt heeft [met consente she(re)n vande(n) gronde] woute(re)n janssoen van vreden/ de blote weye van ene(n) [sijnen] bogarde gelegen achter de/ mu(n)te tuschen de goede m(ijns) joffr(ouwen) vanden huffle en(de)/ jacops van rillaer basteybeckers en(de) van sente m(er)tens/ misse naestcomen(de) ene(n) t(er)mijn van drie jae(re)n lanc deen/ na dand(er) daer na sond(er) middel volgen(de) voer een seker/ so(m)me gelts dair af hij hem bekent heeft biden voirs(creven)/ woute(ren) volcomelic genoech gedaen sijnde gelovende/ hem vand(er) voirs(creven) hueringen [altijt genoech te doen en(de) hem] so tegen ene(n)yegeliken/ recht warant te sijn en(de) es vorwerde dat de voirs(creven)/ jan inde voirs(creven) goede hebben en(de) behouden sal sijn/ gaen ke(re)n en(de) wenden t(er) minsten scaden des voirs(creven)/ wout(er)s en(de) [met] den oefte jairlix daer in wassen(de) sond(er)/ des voirs(creven) wout(er)s wed(er)seggen ov(er)wynge wynge oct(obris) xi