Inde goede na de(n) vors(creven) wile(n) rutgher spaen en(de) sine(n) wive gebleven/ mids dien dat de vors(creven) rutgheer de bastart sijn beleydt quijtgeschoude(n)/ heeft van ene(n) halve(n) boende(r) lants gelege(n) inde p(ro)chie van burdmeerbeke/ op dandervelt tussche(n) de goede jans vande(n) hornock en(de) jans me(m)bel/ mompelgiers en(de) dat bi vrienden verdedingt was dat dat selve half/ boende(r) lants de(n) erfgename(n) der vors(creven) wile(n) machtelden vors(creven) [olive(n)] zoude en(de)/ dat sij oec in dande(r) goede gericht sijn soude(n) om seke(r) redene(n) wille/ die si daer toe seyde(n) d(aer) af de vors(creven) jonck(er) jan en(de) rutgher/(contra)rie hielde(n) en(de) meyndde(n) dat hen dat aen hae(re)n beleyde(n) gheen/ ontstade doen en soude (et)c(etera) So sijn de vors(creven) p(ar)tijen come(n) voe(r) scepen(en)/ van loeven en(de) hebbe(n) [hen] vande(n) vors(creven) stote geheellic gekeert in amelrijcke/ de swertte(re) en(de) geloeft te houden so wes de selve amelrijc/ d(aer) af segge(n) sal en(de) die(n) acht(er)volghende heeft de selve e(m)mr/ amelrijc sijn segge(n) vande(n) vors(creven) stote tussche(n) de vors(creven) p(ar)tijen uutge/ sproke(n) ind(er) manie(re)n hier na volghende Yerst is sijn segghe(n) dat/ de(n) vors(creven) henr(icke) en(de) ja(n)ne gebruede(re)n en(de) goerde neels tot behoef des/ vors(creven) jans gorijs henrics zoen erflic volge(n) sal tvors(creven) half/ boende(r) lants gelijc dat voe(r) gescreve(n) steet mett(er) vromen die/ op dit jae(r) [d(aer) op] gewassen zes Item es voert sijn segge(n) dat de vors(creven)/ ii gebruede(re) en(de) goert neels de(n) vors(creven) jonck(er) janne en(de) rutghe(re)n/ oplegge(n) selen [tussche(n) dit en(de) s(in)te andries misse naist co(men)[de]] de(n) ach(ter)stelligen pacht vande(n) vors(creven) halve(n)/ boende(r) lants van drie jae(re)n te wete(n) elcs jaers ene(n) halve(n)/ sack rogs d(er) mate(n) van mechele(n) Noch is sijn segge(n) dat/ de vors(creven) ii gebruede(re) en(de) goert neels inde(n) name des vors(creven) jan/ gorijs [met] tgheen des vorscr(even) steet te vrede(n) zijn sele(n) en(de) quijt/ zijn alle d(er) goede beyde beruerlic en(de) onberuerlic die bleve(n)/ zijn na de doet des vors(creven) wile(n) rutgheerts en(de) machtelde(n) wile(n)/ zijns wijfs sond(er) [he(m)] e(n)nich recht [daer in] te hebbe(n) of te behouden in/ e(n)nig(er) manie(re)n en(de) dat die de(n) vors(creven) rutge(r)e jonck(er) janne en(de)/ rutghe(re)n en(de) hae(re)n voers(creven) beleyde(n) volghen zele(n) tot ewige(n) dage(n)/ Voert is sijn segge(n) dat de vors(creven) henric en(de) jan gebruede(re)/ en(de) goert neels de(n) vors(creven) jonck(er) janne en(de) rutghe(re)n quijtschelde(n)/ selen van alle(n) des zij inde vors(creven) goede gericht moghen zijn
//
En(de) oft me(n) bevonde dat yema(n)t d(er) selv(er) goede vand(en) vors(creven) [wille(n)] machtelde(n)/

sijden also na wae(r) als de vors(creven) iii p(er)soen sijn dat sij dan die/

vervaen sele(n) en(de) indien hebbe(n) dat zij hen [hi sijn] recht dat si [hi] e(n)nechsins/

hebbe(n) [mogen mach] ende goede voirscr(even) oec [sal] quijtschelde(n) sele [sal] daer dat behoe(re)n sal/ welc segge(n) aldus uutgesproke(n) hebbe(n) geloeft de vors(creven) p(ar)tijen deen/ d(er) and(e)re vast en(de) gestedich te houde(n) te en(de) te voldoen inder/ manie(re)n voe(r) v(er)claert Voert hebbe(n) geloeft de vors(creven) gebruede(re)/ en(de) goert neels de(n) vors(creven) janne gorijs henr(icke) soen te v(er)vaen en(de)/ in dien tehebbe(n) dat hij tvors(creven) seggen ter mae(n)nisse(n) des vors(creven)/ jonck(er) jans en(de) rutgheerts oec gelove(n) sal vast en(de) in werde(n)/ te houde(n) in alle d(er) manie(re)n dat dat uutgesproke(n) es alle(n) argelist/ hier in uutgescheide(n) opp(endorp) vynckenbosch aug(usti) xi