It(em) want stoet en(de) geschille opv(er)staen en(de) geresen was [en(de) is] tussche(n)/ henricke(n) peters en(de) gheerde vande(n) houte beyde va(n) gheele [in deen side]/ en(de) janne vanden rode henricke zouwen janne va(n) vroenhove(n)/ wijnant wijnants en(de) janne everarts alle va(n) diest in/ dande(r) van seke(re)n quetsue(re)n die de selve vijf p(er)sone van dieste/ de(n) vors(creven) henricke peters en(de) gheerde vande(n) houte gedaen [souden] hebbe(n)/ So sijn de vors(creven) p(ar)tijen des comen voe(r) scepen(en) van loeven en(de)/ hebbe(n) hen vanden voirs(creven) stote en(de) va(n) alle(n) ande(re)n stote [geschille] en(de)/ eysschinghen die deen de(n) ande(re)n eysschende moghen sijn
//
tot opte(n) dach tae van hede(n) gekeert en(de) gesubmitteert in segge(re)n en(de)/ vriendelike yffene(re)n Te wete(n) de vors(creven) henric peters en(de) gheert vande(n)/ houte in arnde vand(er) voert en(de) thomase vande(n) p(er)re en(de) de vors(creven)/ vijf p(er)sone va(n) diest in henricke goerts en(de) lambrechte de blese(re)/ op also dat de voirs(creven) henric en(de) gheert hae(re)n eijsch de(n) segge(re)n der/ voirs(creven) vijf p(er)sone van diest ov(er)geven selen tussche(n) dit en(de) donredaghe nast/ comende daer op de voirs selve vijf p(er)sone hae(re) v(er)antw(er)de(n) maken en(de)/ den segge(re)n des vors(creven) henrics en(de) gheerts ov(er)gegeve(n) selen bynnen/ acht daghen dair naest volgende En(de) beyde eysch en(de) v(er)antwerde(n) ov(er)gehadt/ en(de) thoe(n)nisse en(de) alle bescheyt aengehoert selen de voirs(creven) segge(re)n hae(r)/ seggen p(ro)nu(n)cie(re)n en(de) uutspreke(n) selen bynne(n) acht dagen d(aer) naist/ volgende op dat si des eens en(de) van accorde w(er)den en(de) op dat/ si des niet eens gew(er)de(n) en consten so selen de vors(creven) iiii segge(re)n/ des halen aende scepen(en) van loeven een hoet vonnisse recht [gelijc] of dat/ mette(n) rechte gedingt wae(r) en(de) waert [oec also] dat e(n)nig(er) p(ar)tien e(n)nigen/ segge(ren) gebrake dat die ene(n) ande(re)n gelike(n) man in sijn [stat] sal moge(n)/ nemen Gelovende beyde de vors(creven) p(ar)tien vast en(de) gestedich te/ houde(n) so wes de vors(creven) iiii segge(re)n eendrechtichlic voe(r) hae(r) segge(n)/en(de) [op] de voirs(creven) scepen va(n) loeve(n) voe(r) een vonnisse geven en(de) p(ro)nu(n)cie(re)n/ selen sond(er) argelist oppend(orp) rijke nove(m)br(is) xii[a]