It(em) d(omin)us h(er) amelrijc vanden nuwenhove h(er) henrick van ov(er)wynge en(de)/ h(er) jan de cupe(re) prieste(re)n als meesters vand(er) distribucien den capellane/ van sente peters te loeven in deen zijde en(de) jan van gheele van dyest/ en(de) jan sijn soen p(ri)us ema(ncipa)[tus] in dande(re) zijde sijn comen in teg(enwordicheit) d(er)/ scepen(en) van loeven en(de) hebben gekent en(de) gelijdt dat zij een vorwerde/ en(de) comanscap onderlinge aengegaen zijn Te weten dat de voirs(creven) jan/ en(de) jan sijn soen tegen de voirs(creven) meesters gecocht hebben vijf hollantsce/ gulden erfs tsijs die de voirs(creven) distribucie erflic heeft op seker pande/ te halen gelegen toebehoe(re)nde arnde van hazenbroeck elken pe(n)ninc/ daer af voer xviii pe(n)ninge gelike Welke pe(n)ninge de voirs(creven) jan/ en(de) sijn soen geloeft hebben den voirs(creven) meeste(re)n tot der distribucien/ behoef te betalen tuschen dit en(de) kersmisse naestcomen(de) en(de) oic te betalen/ den tsijs die dan en(de) hie(re)n tuschen vallen sal maer de voirs(creven) jan en(de)/ sijn soen selen dien moegen verhalen aen den pande Voert zo/ hebben geloeft de voirs(creven) meesters vand(er) distribucien den voirs(creven) janne/ en(de) sijnen soen of den enen van hen inden voirs(creven) erfs tsijs te goeden/ en(de) te erven voer hof en(de) he(re) daer men den tsijs af helt also verre/ de voirs(creven) jan en(de) sijn soen de voirs(creven) he(r) en(de) hof brengen te loeven/ inden vrijthof zo wa(n)neer zij van hoe(re)n voirs(creven) pe(n)ningen vernueght/ selen sijn en(de) de voirs(creven) meesters selen hoe(r) voirs(creven) gelt co(m)merloes/ trecken sonder e(n)nigen cost daer af te gheven kersmake(re) velde/ ja(nuarii) iii/