Van gielise goess(one)/ Tvo(n)nise tusschen gielise goess(one) in deen zijde ende laureyse van wynghe/ die na den rechte der stad van loeven beleidt es tot den goeden/ gheerts zeghers in dande(re) also van seke(re)n tsijse die de voirs(creven) gheert/ vervolght hadde opte goede des voirs(creven) gielijs die hij meynde/ dat hij voer hem betaelt hadde vanden goeden des voirs(creven) gheerts/ die also wael stonden opte goede des voirs(creven) gielijs als op de sijne/ Vanden welken de voirs(creven) p(ar)tien int recht geweest sijn inde banck/ voir meye(r) en(de) scepen(en) van berlair dair de sake ten uut(er)sten alsoe/ verre verhandelt was dat de voirs(creven) gheert dair af wae(r) geeyscht/ verreyct en(de) de scepen(en) ald(aer) hadden dies tvo(n)nisse in hoe(re)n mont/ om dat hij tsijnen dage van thoenissen niet en quam Inden welken/ de voirs(creven) ghoert so de voirs(creven) laureys meynde verhaest soude sijn
//
geweest om data tvoeght gedinge als de voirs(creven) gheert dach hadde vroeg(er)/ geleeght was dant gewoenlic was te sijn des hij hem thoenisse vermat/ hoewael hijs met en volqua(m) Was gewijst met desen woerden na aen/ sprake na verantwerden en(de) na thoenisse van beyde den p(ar)tien dat de/ he(re)n scepen(en) van loeven ter manissen smeyers wijsden en(de) setten met hoe(re)n/ vo(n)nisse de voirs(creven) p(ar)tien dair af inden hof daer dat begonnen was/ om aldair voert recht te gheven en(de) te nemen p(rese)nt(ibus) lombart lye(mingh)[en]/ abs(oloens) pynnock voshem dormale aug(usti) xxii