Roelof corsbout de jonge/ It(em) uut dien dat roelof corsbout de jonge die met henricke(n) van/ meensele sijnen zwager na den rechte der stad van loeven(en) beleidt/ es tot den goeden jans pa(n)nestert zweer des voirs(creven) roelofs ende henr(ix)/ welke jan pa(n)nestert voe(r) uut macht van scepen(en) brieven van loeven(en)/ geleidt was totten goeden jans pa(n)nestert vleeschouwers sijns neven/ opten dach van heden hadde doen inscriven janne dierix en(de) den voirs(creven)/ janne pa(n)nestert van arschot die hem ongebruyck deden aen een huys/ en(de) hof met sijnre toebehoirten gelegen tarschot aen de kerchofstrate/ tusschen de goede h(er)tulphijns van roede priesters en(de) de goede der/ kijnde(re)n van vlaeslaer en(de) dach op heden hadden ald(aer) sij niet en/ quame(n) den voirs(creven) roelove sijne(n) dach werwachtende hevet tvo(n)nisse/ der scepen(en) van loeven(en) gewijst datmen den voirs(creven) roelove van/ des voirs(creven) es houden sal in sijne(n) beleide also verre alst noch/ voe(r) scepen(en) van loeven(en) comen es cor(am) om(n)ib(us) scab(inis) in pleno/ sca(m)pno no(vembris) dijsd(aigs)/