It(em) jan van scoenenberge glaesmake(r) die naden rechte der stad van/ loeven(en) beleidt es totten goeden peters wile(n) van nethen(en) in p(rese)ncien heeft/ geloeft joffr(ouwe) marien van nethen(en) dochter des voirs(creven) wilen peters/ weduwe augustijns wilen vande(n) borch(oven) dat hij altijt tot huerd(er)/ beg(er)ten en(de) manissen comen sal voir scepen(en) van loeven(en) en(de) behulpe(n)/ der selver joffr(ouwe) uut machte vanden voirs(creven) sijne(n) beleide en(de) oick/ metten scepen(en) brieve van loeven(en) d(aer)mede henrick pauwels de/ goede te bertheem tegen den voirs(creven) ja(n)ne in pechti(n)gen genome(n)/ heeft eene(n) t(er)mijn van ix jae(re)n lanck ingaende te halfm(er)te nu/ naestcomen(de) het wae(re) de goede te vercopen(e) die pet(er) van nethen(en) huer/ brued(er) voe(r) sijn deylinge houden(de) es oft den wynne als hij yet/ sculdich wae(re) tott(er) betali(n)gen te bedwingen also verre e(m)mer m(et)/ vercoepe(n) der goeden des selfs pet(er)s huers brued(er)s oft mette(n) v(er)valle/ jairlix betaelt en(de) v(er)nueght sulle(n) werden de p(er)sone h(ier) na genoe(m)pt/ van hue(re)n erfpachte die(n) sij op tgedeelte des voirs(creven) pet(er)s huers/ brueders jairlix en(de) tijlic heffen(de) sijn d(aer)af va(n) so(m)migen der/ goeden der selv(er) joffr(ouwe) marien en(de) die sij voe(r) huer gedeelte helt/ pant moegen wesen also dat de selve joffr(ouwe) marie en(de) huer/ goede d(aer)af o(n)bescedicht selen bliven Te weten van willem(me) van/ b(er)gen die jairlix heeft xx mudde r(ijnsche) guld(en) en(de) een mudde core(n)s/ Van goerde zedele(re) die jairlix heeft x guld(en) rijd(er)s Vand(er) cap(it)len s(en)t/ pet(er)s te loeven(en) die jairlix heeft i(½) mudde tarwen vande(n) cloeste(re)/ vanden mynd(er)broede(re)n te loeven(en) dwelc jairlix heeft ii mudde/ rox d(er) maten van loeven(en) cor(am) eisd(em)/