It(em) het zijn comen in rechte voe(r) meye(r) en(de) scepen(en) van loeven(en) inde/ banck ald(aer) berthelmeeus van ghele wonen(de) tarschot ov(er) in deen zijde/ en(de) henrick vande(n) tymple wonen(de) te halle poirte(r) der stad van/ loeven(en) in dande(re) ald(aer) de selve berthelmeeus ae(n)sprack den/ voirs(creven) henrick(en) seggen(de) dat hij comen wae(re) en(de) hadde aen/ hem ind(er) stad van archot verdingt en(de) bescaedt twee/ stuxken wijns en(de) een ame tot halle te vue(re)n de welke/ hij ald(aer) gevuerdt hadde en(de) als de voirs(creven) berthelmeeus/ dien wijn ae(n)verde vraeghde den voirs(creven) henrick(en) oft hij/ ergens ongelt oft tol sculdich wae(re) daer de selve he(n)rick/ op andwerde dat hij poirte(r) van loeven(en) wae(re) en(de) dat hij/ bij dien al o(m)me tolvry sculdich wae(re) te w bliven en(de) dat/ de selve berthelmeeus van dien wijne om dat hij den/ tol dairaf niet en boet gecale(n)geert was voe(r) den rentmeest(er)/ en(de) coepliede ind(er) tolcoma tolcame(re)n te loeven(en) te rechte te/ comen en(de) voirden p(ri)ncipale(n) tol van dien wijne hadde/ moeten betalen ix stuv(er)s dat boet de selve berthelmeeus/ te thoenen metten ghenen die dair af te spreken wisten/ hoepte en(de) meynde op dat hij de voirs(creven) pointe(n) gethoene(n) conste/ en(de) oic dat na alle desen de selve henrick geloeft hadde/ den voirs(creven) berthelmeeuse vande(n) coe(re) en(de) tolne(re) te ontslaen/ dat hij hem opleggen soude de selve ix stuv(er)s die hij/ voe(r) hem hadde moete(n) leggen en(de) voirt ontslaen vande(n)/ coe(re) die dairom aen onse(n) gened(ichen) he(re) verbuert hadde/ op dwelck na tverandwerden des voirs(creven) henrix vande(n)/ tymple ae(n)gehoirt de scepen(en) van loeven(en) gemae(n)t vande(n)/ meye(r) wijsden voe(r) een vo(n)nisse want hem de selve berthel/ meeus thoenisse vermete(n) hadde dat sij dat beg(er)den tae(n)hore(n)/ en(de) dair en teynden recht ald(aer) ten dage van rechte d(aer)toe/ geset de scepen(en) van loeven(en) voirg(enoemd) thoenisse ae(n)gehoirt des/ selfs berthelmeeus dies hij volqua(m) wijsden ten utersten/ voir een vo(n)nisse dat he(n)rick vande(n) tymple berthelmeeuse voldoen/ soude nadat de waerh(eyt) gedragen hadde p(rese)nt(ibus) witte ov(er)wynge/ vynck(enbosch) lynthe(re) m(ar)tii ix a(nn)[o] xliiii/