It(em) gelden heyberchs en(de) jouffr(ouwe) katline sijn wijf weduwe jans wilen van/ bierbeke sijn comen etc(etera) en(de) hebben gekent en(de) gelijdt dat zij van alsulken/ vi mudden rogs der maten van loeve(n) lijfpensien als der voirs(creven) jouffr(ouwe) ka(tli)[ne(n)]/ van gielise van bierbeke hoe(re)n sweer van wegen hoe(re)r kijnde(re) die zij/ heeft van ja(n)ne wilen van bierbeke hoe(re)n voerman toegeseeght/ wae(re)n voe(r) hoe(re) tocht die zij inde goede die bleve(n) na den selve(n) wile(n)/ ja(n)ne sculdich hadde geweest te hebben wael en(de) volcomelic betaelt/ en(de) vernueght zijn met gereden pe(n)ningen die zij vande(n) voirs(creven) giel(ijs)/ daer voe(r) ontfangen hebben den selve(n) gielise de kijnde(re) des voirs(creven)/ wilen jans hoe(re) sijns soens hoe(re) goede en(de) nacomelinge vanden voirs(creven)/ vi mudden rogs en(de) desgelijx van allen der tocht en(de) rechte die/ de voirs(creven) jouffr(ouwe) katlinen van wegen des voirs(creven) wilen jans hoe(re) voerma(n)s/ in en(de) aen hoe(re)r beyd(er) goede e(n)nichs sins hebben mochte volcomelic/ quijtsceldende beke(n)nende hen [dat zij] gheen recht meer daer in en/ hebbende in e(n)nig(er) manie(re)n Voert zo hebben geloeft de voirs(creven) geldolf/ en(de) sijn wijf den voirs(creven) gielise inden name van hem en(de) sijns soens/ kijnde(re)n voirs(creven) vanden voirs(creven) saken altoes genoech te doen also dat hen/ vast en(de) seker sijn moege hier in altijt behoude(n) dat de voirs(creven) quijt/ sceldinge den voirs(creven) kijnde(re)n gheen hijnd(er) noch p(re)judijs sijn en sal/ aen de huwelike vorwerden die den voirs(creven) wilen ja(n)ne en(de) jouffr(ouwe)/ katline(n) hoe(re)n vad(er) en(de) moed(er) toegeseeght en(de) geloeft wae(re)n van/ gielise voirs(creven) witte ov(er)wynghe octobr(is) xxiii/