It(em) also als roelof van berthem die beleidt is naden rechte der stad van/ loeven totten haefliken goeden jan wellens hem de selve goede ten scowen?/ vand(er) stad hadde doen leve(re)n eene(n) iegeliken die hem rechts d(aer)toe v(er)mete(n)/ woude dach van rechte bescheiden(de) des saterdaighs vi dage in nove(m)bri/ lestleden aldair comen zijn want de raede en(de) lauwereis pauwels/ die geleidt zijn totten haefliken goeden des voirs(creven) jans van inden jae(re)/ xiiii[c] xxxii pe(nulti)[ma] octobr(is) hen te rechte p(rese)nte(re)nde en(de) hoe(re)n dach tot op/ heden vervolgen(de) dair zij beg(er)den vanden selven goeden die zij in/ eend(er) cedele(n) ov(er)gaven gehouden werden in hoe(re)n beleide en(de) want/ de voirs(creven) roelof op heden inden rechte niet en compareerde So/ hevet tvo(n)nisse der scepen(en) van loeven(en) gewijst zo waer de voirs(creven)/ roelof niet en quame ten opstaen vanden meye(r) en(de) scepen(en) datme(n)/ dan den voirs(creven) vrancken en(de) laureyse vanden voirs(creven) goeden/ houden zoude in hoe(re)n beleide also verre alst noch voe(r) scepen(en) va(n)/ loeven(en) comen is en(de) de selve roelof en quam niet cor(am) lomb(ar)t/ abs(oloens) wijtvliet py(n)nock ca(pelle)ma(n) vynck voshem no(vembris) xvi