It(em) also als aernt brant he(re) tot grobbendonck in deen zijde en(de) de prioer en(de) convent/ des godshuys van onser liever vrouwen throon gelegen bij he(re)nthals van sente/ augustijns ordinen in dande(re) gesamend(er)hant gericht sijn en(de) gebruyck hebben in/ een moer geheten dmoer te bondele gelegen inde p(ro)chie van ouden tusschen tzand/ en(de) den langhen hoevel langs den wech neven wout(er)s gracht van zelke zoe/ voertaen tot gheerts goeden van uutsele en(de) van dair voerts totter meerre/ welc moer h(er) aert van crayenhem he(re) tot grobbendonck ridder van zaligher/ gedachten te besitten plach In welc moer de voirs(creven) aert brant en(de) desgelijx/ tvoirs(creven) cloester gericht zijn na begrijp en(de) uutwisen van seke(re)n scepen(en) brieven/ van loeven en(de) ande(re)n brieven die de voirs(creven) arnt brant in deen en(de) tvoirs(creven)/ cloester in dand(er) zijden dair af spreken(de) hebben Soe eist sijn de voirs(creven) p(ar)tien/ comen voer scepen(en) van loeven en(de) hebben te weten de voirs(creven) aert brant/ voe(r) hem sijn oer en(de) erfgenamen [in deen zijde] ende brueder peter van schelle prioer des/ voirs(creven) godshuys inden name en(de) als gemechticht vanden voirs(creven) cloeste(r) in dande(r)/ zijde en(de) hebben openbairlic gekent en(de) verlijt dat zij om te verhueden allen/ discoert die opverstaen mocht tuschen hen om svoirs(creven) gebruycx wille/ des voirs(creven) moers ee een mynlike en(de) vriendelike deylinge en(de) sceydinge/ gedaen hebben vanden gebruycke des voirs(creven) moers ende dat ind(er) voirs(creven)/ deylingen den voirs(creven) brued(er) pete(re)n tot des voirs(creven) godshuys behoef gevallen/ es voer sijn deylinge een stuck moers vanden voirscr(even) moers gelijc dat/ gelegen es metter eend(er) zijden ten westen waert neven derve des voirs(creven)/ arnts brant over den witten wech also dat den selven witten wech/ begrepen es int gedeelte des voirs(creven) godshuys en(de) metten enen eynde/ te zuyden waert neven tgedeelte des selfs arnts brant uutstrecken(de)/ ten oestenwaert metter and(er) zijden neven daems moer de van dyrste/ totten zande toe also verre men aldaer moer bevijndt gelijc en(de) ind(er)/ manie(re)n dit voirs(creven) gedeelte des voirscr(even) godshuys vanden ande(re)n/ gedeelte des voirs(creven) aerts tuschen beyde met openbaren palen en(de)/ teeken(en) bepaelt ende ond(er)sceyden es It(em) den voirs(creven) arnde brant es gevallen/ en(de) bleven voer sijn deylinge tremanant of dander gedeelte vanden/ voirs(creven) moere gelijc alst dair gelegen es Welke deylinge en(de) sceydinge/ de voirs(creven) arnt brant voer hem en(de) sijn erfgenamen ter eenre zijden/ en(de) de voirs(creven) brued(er) peter inden name en(de) van wegen des voirs(creven) cloest(er)s/ ter and(er) zijden malcande(re)n geloeft hebben vast gestentich en(de) onv(er)brekelic/ te houden en(de) elc van hen op tgedeelte des anders met enen halme/ verworpen ende verteeghen Geloven(de) malcande(re)n dair af altoes(en)/ genoech te doen also dat elken van hen in toecomen(de) daghen/ vast seker en(de) genoech sijn moeght Hier wae(re)n over lombart ca(pelle)[ma(n)]/ febr(uarii) iiii