Meester gielijs van zeebroeck/ It(em) het zijn comen in rechte voe(r) meye(r) en(de) scepen(en) van loeven(en) inde banc ald(aer)/ colijn vand(er) fontainen in deen zijde en(de) meest(er) gielijs van zeebroeck/ die beleidt is totten goeden jans de smet zijns zwagers in dande(re)/ Ald(aer) de voirs(creven) colijn dede lesen een vo(n)nisse dat der scepen(en) van loeven(en)/ and(er)wile gewesen tusschen den voirs(creven) colijne en(de) janne de smet van/ zek(ere)n goeden inden selven vo(n)nisse genoempt dwelc steet octobr(is) xx[a]/ lib(r)[o] xliiii bege(re)nde en(de) p(rese)nterende navolgen(de) dien vo(n)nisse zijn goede/ inne te bringen los en(de) suver en(de) dan in die en(de) in de goede dair/ tvoirs(creven) tgedinge om was brued(er)lic te deilen want hij zijn goede gelost/ hadde vanden co(m)m(er) die [bij] hem d(aer)op gemaect en(de) de brieve d(aer)af gemaect/ broght en(de) geleeght ond(er) de wett dair de goede gelegen zijn V(er)suecken(de)/ voirt want hij p(rese)nteerde en(de) bereet wae(re) zijn goede gelijc voirs(creven) is inne/ te bringen met den co(m)me(r) ind(er) voirs(creven) manie(re)n af gedaen dat de/ voirs(creven) meest(er) gielijs hem opleyde de xx rijd(er)s begrepen ind(er) p(rese)ntacie(n)/ vanden vo(n)nisse voirger(uert) want hij hem dat nad(er) selv(er) p(rese)ntacien/ also hij meynde sculdich wae(re) te doen Op dwelc de voirs(creven) meest(er)/ gielijs dede seggen dat hij meynde dat de voirs(creven) colijn mett(er)/ voirs(creven) ae(n)spraken aen hem verdoelt wae(re) want tvoirs(creven) vo(n)nisse/ op hem niet en sloege gem(er)ct dat hij d(aer) inne gheen p(ar)tie en/ wae(re) m(er) wae(re) geweesen tusschen den voirs(creven) colijne en(de) janne de/ smet Welc jan der voirs(creen) goede quijt was alh [aleer] de voirs(creven) colijn/ de p(rese)ntacie ae(n)genomen hadde Oic zo was tvoirs(creven) vo(n)nisse gewijst/ ten tijde boven genoempt en(de) de voirs(creven) colijn en hadde die p(rese)ntacie/ doen niet voldain noch oic eeneghen dach d(aer) toe genoemen en(de)/ also waer hij alse de voirs(creven) meest(er) gielijs hoepte nu te spade/ comen seight [seyde] voirt de voirs(creven) meest(er)gielijs dat al desen niet/ jegenstaende zo en hadde also hij meynde de voirs(creven) colijn alnoch/ niet genoech gedaen om hem de voirs(creven) p(rese)ntacie te werden met dat/ hij de co(m)mer brieve ond(er) de wet gesedt hadde mair souden p(ar)tien/ moeten comen en(de) derven hoir recht en(de) doen d(aer)af guedinge en(de)/ dan soudemen de brieve te nyeute doen en(de) anichele(re)n met/ meer woirde(n) die hij d(aer)toe dede seggen Also dat ten ut(er)sten de/ scepen(en) van loeven(en) t(er) manissen smeyers wijsden voe(r) een vo(n)nisse/ dat de voirs(creven) colijn niet genoech en p(rese)nteerde p(rese)nt(ibus) om(n)ib(us) scab(inis)/ m(ar)cii xii