It(em) jan vander valporten goutsmet in deen zijde en(de) stass roelof de jonghe/ in dande(re) sijn eens worden en(de) met malcande(re)n ov(er)comen alse van hoerd(er)/ beyd(er) erve neven een gelegen inde scrijnstrate achter thuys met sijnre toe/ behoerten des voirs(creven) stas dwelc hij tegen den voirs(creven) ja(n)ne v(er)cregen/ heeft gelijc de erfbrieve des selfs stass volcomelic begripen en(de) zund(er)/ linge vanden doerganghe den voirs(creven) huyse toebehoren(de) gaende acht(er)/ ter voirs(creven) scrijnstraten uut de punten en(de) condicien hier nae bescr(even)/ Te weten want tschaelgieken of hoefken des voirs(creven) stass tuschen beide de/ muere lodewijcx van hortbeke en(de) jans vander stoct alsoet daer gelegen/ es den voirs(creven) stasse geheellic toebehoert en(de) voerts den doerganck ond(er)/ de woenstad die de voirs(creven) jan vand(er) valporten neven den voirs(creven) doer/ ganck ald(aer) inde scrijnstrate behelt so sal de voirs(creven) stas den selven/ doerganck tot eeuwighen daghen also wijd houden als hij nu steet/ en(de) of hem gelieft de doe(r) voe(r) meerder te doen maken dat sal/ hij [altijt] moegen doen sond(er) hijnd(er) te doen oft letsel den huyse oft came(re)n/ voirs(creven) des voirs(creven) jans vand(er) valpoerten boven den voirs(creven) doerganck/ die altijt also hoghe sal moeten wesen vander erden als hij nu/ es Uutgesceiden oft de voirs(creven) jan vander valpoerten opte zijde des/ voirs(creven) doerganx te zijnen huyse waert inde scrijnstrate d(aer) nu een/ want steet in tiden toecomen(de) enen muer metsen woude dat hij/ dat sal moegen doen en(de) dien muer boven der erden ten voirs(creven)/ doerganghe wart janne setten enen halven voet [vord(er)] dan nu dmuerken lenght/ vand(er) platen des voirs(creven) wandekens also dat den selven doerganck/ dan enen halven voet engher bliven sal dan hij nu es Voert es/ vorw(er)de of de selve jan h(ier)namaels opten voirs(creven) muer die hij alsoe/ metsen soude oft oic op sijnen halven muer tuschen hem en(de) lodewijcke(n)/ van hortbeke staende h(ier)namaels yet ty(m)me(re)n woude also breet/ wesen(de) als de ty(m)meringe es die nu boven den doerganck steet dat/ hij dat altijt sal moegen doen also hoghe opwaerts als hem gelieft/ en(de) behouden altijt sijnen oesendrup op tvoirs(creven) tscaelgieken des voirs(creven)/ stas sond(er) yemants wed(er)seggen Welke vorw(er)den en(de) condicien bove(n)/ bescr(even) de voirs(creven) jan in deen zijde en(de) stass in dande(re) elc voe(r) hem/ en(de) sijn nacomelinge geloeft hebben vast en(de) onv(er)brekelic te houden/ tot eeuwigen dagen lomb(ar)t pynnoc m(ar)tii xvi