It(em) henrick tamguisart die naden rechte d(er) stad van loeven(en) beleidt is/ totten haefliken goeden svoirs(ceven) arnts heeft quijt geschouden tselve beleidt/ also dat verre dat den voirs(creven) arnde en(de) m(ar)griete(n) hijnd(er)lic moght/ wesen aen de schout voirs(creven) En(de) is voirts vorw(er)de tusschen den voirs(creven)/ arnde op deen zijde en(de) m(ar)grieten op dande(re) dat de vooirs(creven) arnt nu/ t(er) stont zijn hande afdoen sal van alle alsulken erve als hij voe(r)/ maels in pecht(in)gen te jaerschae(re)n vande(n) voirs(creven) wilen henrics gehoude(n)/ heeft en(de) zo wa(n)neer de selve m(ar)griete vande(n) voirs(creven) vi rijnsch(e)/ guld(en) betaelt sal wesen so sal de sij den selven arnde dbeleidt d(aer)met/ de selve henr(ick) hoe(r) man totten goede(n) svoirs(creven) arnts geleidt was den/ selven arnde ov(er)geven Welke vorw(er)den de voirs(creven) aert op deen zijde/ en(de) m(ar)gr(iete) op dande(re) malcande(re)n geloeft hebben vast en(de) geste(n)tich/ te houden (et)c(etera) eis(dem)