Van mathijse ve(re)nbeerten die/ geleydt es totten goed(en) jans van/ walene/ It(em) uut dien dat mathijs ve(re)nbeerten die nae den rechte der stad van loeven(en)/ comen en(de) geleydt es totten goeden have en(de) erve jans van waelene van/ lijshem sone boudens van walene metter stad brieven van loeven(en) opden/dach van heden voe(r) meye(r) en(de) scepen(en) van loeven(en) hadde doen inscriven d(aer)af/ den dach op heden diende den voirs(creven) janne van walene die hem aen alle/ de voirs(creven) erflijke goede en(de) have hier onder genoempt Te weten aen/ iiii p(er)de ii voelene iiii coeye ii calfve(re) l scape xii verkene ii soeghe/ met xii cuddene(n) vi bedden met hae(re)n toebeh(oirten) vi mottalen potte iiii/ tynne(n) kannen vi dobbelie(re) i dosijne ty(n)nen scotelen iiii eeren panne(n)/ ii zw(er)te ketele ii ande(re) ketele i hael drie bancken iii seedelen ii/ scrijnen xii hoende(re) met eene(n) haene vi stoele i dosijne cussene i / lavoer iiii a(m)melakene ii en(de) ii dweelen Ende de voirs(creven) jan op/ heden tsijne(n) dage niet comen en es so hevet tvo(n)nisse der scepen(en)/ van loeven(en) [t(er) manissen smeyers] gewijst datme(n) den voirs(creven) mathijse vand(en) voirs(creven) goeden/ houde(n) sal in sijne(n) beleyde also v(er)re het noch voe(r) hen come(n) es cor(am)/ lomb(ar)t pynnoc cap(elle)[ma(n)] vynck voshem maii xii des dond(er)s(dachs)