Van r reyne(re)n vand(er) rivieren/ Item also onlanx comen zijn geweest voe(r) den raide d(er) stad van loeven(en) wout(er) vand(er)/ rivie(re)n geheten daneels t(er) eenre zijde en(de) reyneer vand(er) rivie(re)n geheten daneels gebrued(ere)n/ ter ande(re) uut ocsuyn van alrehanden gescille(n) besund(er) van eenre ghichtingen die/ de voirs(creven) wout(er) meynde dat de voirs(creven) reyne(re) tonrecht op hem gevoird(er)t hadde de welke/ na thoenisse dairaf gehoirt was bijden [rade] vand(er) stad bevonden van weerden zijnde d(air)af/ nochta(n) duutsprake om sbesten wille bijder stad alsdoen v(er)houden wairt en(de) den selve(n)/ gebrued(ere)n v(er)maendt en(de) ernstelic geseidt dat zij van alhoiren gescillen met vrie(n)den/ bij een ghingen en(de) hen d(air)af in goede ma(n)ne verbonden gem(er)ct dat zij gebruede(re)n/ wae(re)n (et)c(etera) ende de voirs(creven) p(ar)tien hem dae(re)ntusschen tot opten dach van heden dat/ des vanden voirs(creven) gesalde wed(er) bijder stad becroen comen es henm niet verbonden en/ hebben So heeft den raet vand(er) stad dairop voe(r) deliberacie gehadt get(er)mineert/ en(de) ov(er)dragen dat zij de voirs(creven) p(ar)tien stellen voe(r) meye(r) en(de) scepen(en) van loeven(en) om ald(aer)/ deen tegen den ande(re)n rechts te plegen Act(um) in consilio feria sexta augusti xxvii/ a(nn)[o] xlv/