It(em) de voirscr(even) jan henrick en(de) reyne(r) vleeminx gebruede(re) jan bogarts en(de) henrick/ grieten hebben geconsenteert ov(er)gegeven en(de) gewillecuert den voirscr(even) janne tribouts/ dat hij hem om betalinge te hebben vanden voirscr(even) jaerrenten te behulpen mach/ also wale met den scepen(en) brieven van arschot daer mede zij hem huers selfs/ goede veronderpant hebben voe(r) zeke(re) lijfrenten tot des voirs(creven) sijns wijfs live/ als met desen brieven vanden hueringhe(n) voirscr(even) op alsoe dat zij met den/ voirscr(even) renten vander hueringhe(n) tsjaers eens te gelden gestaen selen sonder/ argelist cor(am) eisdem