It(em) vanden gedinge dat geweest es voer meye(r) en(de) scepen(en) van loeven tuschen/ janne kijne(n)soen die beleidt es na den rechte der stad van loeven tot/ allen den haefliken goeden jans willen de wyn van testelt in deen/ zijde en(de) andries de wyn soen des voirs(creven) wilen jans henrick de/ greve en(de) jan de saghere swage(re)n des selfs andries in dande(re)/van alse van alsulken haefliken goeden als bleven achter den voirs(creven)/ wilen janne de wyn de welke de voirs(creven) jan meynde dat hem/ en(de) sijnen beleide toebehoerden en(de) volgen souden en(de) dat de voirs(creven)/ andries en(de) sijn zwage(re)n d hem die ov(er)geven souden die [want zij] die aen/ veerdt hadden (et)c(etera) [na de doot des voirs(creven) wilen jans dwelc hij met meer ande(re)n pu(n)ten boet te thoene(n)] aldaer de voirs(creven) andries en(de) sijn swage(re)n clairlic/ thoenden met goeden ma(n)nen ond(er) den ande(re)n dat de voirs(creven)/ wilen jan hen sijn haeflike goede bynnen sijnen levende live/ vercocht hadde dies wael viii jair leden was en(de) dat hij die/ moeste vercopen van node om hem te lossen van schouden daer/ hij voe(r) gevangen sadt tot arschot hebben tvo(n)nisse de scepen(en)/ van loeven ter manissen smeyers gewijst voe(r) een vo(n)nisse na/ aensprake na verantwerden en(de) na thoenisse van beiden p(ar)tien/ dat de voirs(creven) andries met [ende] sijnen medeplichte(re)n de goede/ brengen selen ten sterfhuyse tot hoe(re)r eedt also verre zij die/ niet gecocht ende betaelt en hebben bynnen des voirs(creven) jans/ swynnen leven(de) live cor(am) lomb(ar)t abs(oloens) pynnoc vynck voshem/ sept(embris) ix