Item jan vander huelt wonen(de) te winxel [in p(rese)ncia heeft gekent en(de) gelijt dat hij] genomen heeft tegen tgoidshuys/ der xi[m] maegden opte halfstrate te loeven(e) thuys en(de) hof metten/ wynnen(de) landen bo[e]mg(ar)den en(de) beemden gelijc lambrecht lambrechts die/ in pechtingen gehouden heeft en(de) gelijc zij gelegen zijn inde p(ro)chie van/ winxele Te houden te hebben en(de) te wynnen van halfm(er)te naestcomen(de) [dat was int jair dusent vierhondert tweenveertich]/ eenen t(er)mijn van negen jae(re)n lanck deen na dander dair na sonder/ middel volgen(de) elx jaers dae(re)nbynnen voe(r) en(de) om de helcht van allen/ den vruchten jairlix opte voirs(creven) goede wassen(de) uutgenomen vanden/ hove geheten ov(er)hemhof houden(de) omtrent ond(er)half dach(mael) dair inne/ dat de selve wyn gheen recht hebben en sal tot welken hove/ tgoidsh(uys) tsaet leve(re)n sal alsmen dien besaeyen sal en(de) de wyn sallen/ wy(n)nen en(de) vruchten d(aer)af comen(de) vueren inde schue(r) svoirs(creven) goidsh(uys)/ En(de) zo wa(n)neer men den selven hof beheymt so sal de wyn den/ werclieden den cost geven en(de) tgoidshuys de dachue(re)n en(de) wyn sal
//
den hof mesten gelijc den goidshuyse of zijne(n) voirgang(er) dat gelieven sal/ Item is vorw(er)de dat de voirs(creven) wyn alle de landen vanden hove voirs(creven) zijne/ getidige voe(re)n geven sal gelijc zijne reengenoten boven en(de) beneden It(em)/ sal de voirs(creven) wyn thoeghste als de vruchten tijtverdich zijn des/ goidsh(uys) helcht in haer schue(r) vue(re)n op zijnen cost en(de) wa(n)neer men/ sgoidshuys helcht derschen sal zo sal de wyn den dersschers den/ montcost geven en(de) dair voe(r) sal hij de crienssen hebben en(de) tgoidsh(uys)/ sal de dachue(re)n betalen en(de) wyn sal jairlix sgoidsh(uys) helcht va(n)/ allen vruchten metten vruchten vand(er) ov(er)he(m)hoff int voirs(creven) goidsh(uys)/ leve(re)n oft dairt den voirs(ceven) goidsh(uys) bynnen loeven(e) geleg(en) gelieven sal/ te leve(re)n It(em) tgoidsh(uys) en(de) de wyn selen tsamen eenen lese(r) hue(re)n/ om tdoefte doen te lesen als zij tijtv(er)dich zijn den welken de wyn/ den mondcost geven sal It(em) is vorw(er)de dat de wyn vand(er) ned(er)ster/ rikelen ned(er)w(er)t de huysinge in goeden state houden sal en(de) wa(n)neer/ men aen de selve huyse ty(m)me(re)n metsen plecken oft decken sal dan sal/ de wyn den montcost geven en(de) tgoidsh(uys) sal de dachue(re)n betalen/ en(de) de wyn sal den leem en(de) walm leve(re)n datmen dair behoeven sal/ It(em) de wyn sal jairlix leve(re)n vijftich mandelen walme(re) It(em) zo/ wa(n)neer dat wege te maken zijn oft beken te ruymen(e) dat sal/ de wyn doen op zijnen last Item inden lesten drie jae(re)n so en/ sal de wyn gheen lant mogen hoervruchten noch ontaerden It(em)/ selen tgoidsh(uys) en(de) de wyn tsamen copen vijftich mandelen stroets/ om mest te makene welc stroo de wyn halen sal It(em) inden twee/ leste jae(re)n so sal de wyn dmest comen(de) vand(er) helcht vanden voirs(creven)/ goeden den voirs(creven) goidsh(uys) toebehoiren(de) vueren opte voirs(creven) lande dair/ dat meest behoeft en(de) dat ov(er)mesten slants meesten p(ro)fijte It(em) de voirs(creven)/ wyn sal alle jae(re) den voirs(creven) t(er)mijn due(re)nde een boend(er) lants m(er)gelen/ en(de) d(aer)op vue(re)n sesthien voeder mergels It(em) de wyn sal jairlix zijnen/ t(er)mijn due(re)nde den voirs(creven) goidsh(uys) geven sess molevate rogx van eenen/ dach(mael) derdscoefs geleg(en) opt dourot It(em) noch sal de selve wyn
//
den voirs(creven) goidshuyse jaerlix geven vier molevate rogx van/ eenen dach(mael) helchtwy(n)n(in)gen gelegen aen hoelarts delle It(em)/ noch is vorwerde dat de voirs(creven) wyn den voirs(creven) t(er)mijn due(re)nde ghee(n)reha(n)de/ lant nemen en sal te wy(n)nene noch aen hem slaen in gheenre/ manie(re)n It(em) alse vanden eeusselhue(re)n sal de wyn jaerlix ts(in)te m(er)tens/ misse den voirs(creven) goidsh(uys) geven sess rijnsch(er) guld(en) It(em) de/ wyn sal jaerlix zijnen t(er)mijn due(re)nde opte voirs(creven) goede setten/ vijfthien poeten en(de) de selve wyn sal den voirs(creven) goidshuyse/ hallen alle de staken diet behoeven sal aen de wijngarde/ te wynxele gelegen den selve(n) goidsh(uys) toebehoiren(de) een halve/ mile omgaens loeven(e) It(em) de wyn sal den wijn metten/ balgere vue(re)n en(de) bringen int voirs(creven) goidsh(uys) en(de) de cupen/ dair oic halen en(de) oic de oude wijngartstaken alse den/ goidshuyse gelieven sal int goidsh(uys) brengen oft een and(er)/ vracht dair voe(r) doen It(em) sal den voirs(creven) wyn alst/ goidsh(uys) voirs(creven) zijnen wijng(ar)t wilt doen mesten dat mest/ daer aen vue(re)n It(em) de voirs(creven) wyn sal hebben en(de) te hemwarts/ alleene behouden also vele lants als dat hij d(aer)op zayen mach/ een halster lijssaets Welke vorw(er)den (et)c(etera) En(de) h(ier)af es borge/ des voirs(creven) wy(n)nen henrick vand(er) huelt zijn vad(er) den welken/ hij geloeft heeft h(ier)af scadeloes te ontheffen abs(oloens) voshem/ ja(nuarii) xx