It(em) na dien dat te vele stonden voe(r) den raede vander stad comen sijn/ h(er) jan vand(er) mee(re)n van zaventhem ridde(r) die uut machte van scepen(en) brieve(n)/ van loeven beleidt es tot allen den goeden have en(de) erve henrix wilen/ vand(er) mee(re)n sijns oems in deen zijde en(de) jouffr(ouwe) lijsbeth vander mee(re)n/ weduwe peters wilen pypenpoy zuster des selfs h(er) jans in dande(re)/ Aldaer de selve jouffr(ouwe) lijsbeth met hoe(re)n kijnde(re)n beg(er)de vanden voirs(creven)/ h(er) ja(n)ne hoe(re)n brueder en(de) oem hoe(r) versterffenisse en(de) kijnsgedeelte te/ hebben int gheen des acht(er) den selven wilen henricken vand(er) mee(re)n/ gebleven wae(re) aengesien dat zij dies also na wae(re)n als de selve/ h(er) jan en(de) dat zij hoepten van rechts en(de) besceits wegen also geheelic/ uut hoe(re)n versterffenissen niet gesloten te werden Ende dair om beg(er)den/ de voirs(creven) jouffr(ouwe) lijsbeth en(de) hoe(r) kijnde(re) vanden voirs(creven) h(er) janne dat hij hen/ vanden selven goeden susterlike deylinge doen woude gemerct/ dat hij tvoirs(creven) beleit hadde ter goeder meyninghen en(de) dat hij dat/ oic inden sterfhuyse des selfs henrix hoers bru oems bevonden? hadde/ en(de) aengeverdt biden welken hij daer met inde voirs(creven) goede gheen/ vordel gehebben en konde Daer op de voirs(creven) h(er) jan v? [te] meer/ stonden tot sijnen behulpe dede seggen en(de) opdoen alrehanden reden(en)/ biden welken hij meyndde dat hij metten selven beleide de voirs(creven)/ goede sijns oems sculdich wae(re) te hebben want hij inden testa/ mente des selfs wilen henrix sijns oems veles vele lasts daer/ met hadde aengeveerdt en(de) daer toe den selven sijnen oem in sijnen/ crancbedde moeten geloven dat hij de selve sijn goede na begrijp/ van sijnen testamente met den voirs(creven) beleide aenveerde en(de) distribue(re)n/ soude daer inne sij negheenssins versien was Biden welken de/ selve h(er) jan beg(er)de en(de) versocht vanden voirs(creven) sijnen scepen(en)/ brieven trecht vand(er) stad hem te geschien en(de) voe(r) meye(r) en(de)/ scepen(en) van loeven daer de ke(n)nisse van sijnen scepen brieve(n)/ also hij meyndde behoerde gestelt en(de) geremitteert te
//
werden seggende mede de voirs(creven) h(er) jan dat hij der selv(er) sijnre sust(er)/ met den voirs(creven) beleide gheen hijnder doen en woude Welke/ woerde en(de) p(rese)ntacie de voirs(creven) jouffr(ouwe) en(de) hoe(re) kijnde(re) aennamen dancken(de)/ vanden selven den voirs(creven) hoe(re)n oem bidden(de) den raede vander stad/ dat zij den voirs(creven) h(er) jan onderwijsen wouden dat hij dan hen/ liete hue(r) kijnsgedeelte inden goeden voirs(creven) also zij hoepten dat/ hij sculdich wae(re) te doen oft dat des voirs(creven) es en(de) der voirs(creven)/ p(rese)ntacien niet wed(er)staende de raet vander stad te huerwaert/ nemen woude alle scepen(en) brieve en(de) besceit van beiden p(ar)tien/ en(de) dat rip(er)lic oversien en(de) dae(re)n teynden oversien ene(n)iegeliken/ doen hebben des hij van gods en(de) rechts wegen sculdich wae(re)/ te hebben(e) des zij van gods en(de) rechts wegen sculdich wae(re)/ te hebben Daer op ten uutersten de voirs(creven) h(er) jan alligeerde en(de)/ seyde vele reden(en) biden welken hij meynde altoes dat de voirs(creven)/ p(rese)ntacie alsulc niet en wae(re) als hem de voirs(creven) sijn wed(er)p(ar)tie/ ov(er)seyde en(de) al wae(re) daer af yet gesciet soe wae(re) daer bij/ geseeght also verre ttestament vanden voirs(creven) wilen henricken/ sijnen oem begreep soe en soude hij hen met sijnen beleide gheen/ hijnder wesen maer simpelic niet oic wae(re) tuschen tuschen/ de selve p(ar)tien te vele stonden in mynliken dachvaerden gepro/ testeert en(de) voersproken wes deen p(ar)tie of dand(er) zij seyde dat dat/ inden rechte tontstaden niet comen en soude Boven al en wae(re)/ hem noeyt van scepen(en) of ande(re)n gevraeght geweest oft ment op/ hem tuyghen of segelen woude des e(m)mer behoefde soude hem/ e(n)nich van dien tontstaden moegen comen meynen(de) also lichtelic in/ contrarien van sijnen scepen(en) brieven niet begrepen te sijn maer/ versocht daer om datmen hem hielde in sijnen scepen(en) brieven en(de)/ beleide tot dat hij daer uut met rechte gewonnen wordde ter/ plaetsen daer dat behoerde als voirs(creven) steet Termineerde ten/ uut(er)sten de raet vand(er) stad notabelic vergadert te voren aenge/ hoert alle tgheen des elc p(ar)tie voirs(creven) tot sijnre meyningen bibrachte en(de)/ de saken ov(er)wersijde wael en(de) rip(er)lic gewoghen dat beide de voirs(creven) p(ar)tien/ hoe(r) besceit brengen selen sond(er) yeman(de) int p(ri)ncipael van sijnen rechte/ p(re)iudijs te wesen in handen vand(er) stad om dair na bider selv(er) ene(n)ie/ geliken te geschien des recht en(de) besceit sal wesen Bij also dat tot/ dien eynde de voirs(creven) h(er) jan inde possessie vanden voirs(creven) goeden bliven/ sal ende oft hem yemant and(er)s aen de voirs(creven) goede e(n)nich hijnd(er) of/ letsel doen wilde dat hij metten voirs(creven) brieven ond(er) de stad liggen(de)/ de selve goede sal moegen bescudden cor(am) abs(oloens) dyeven burgim(a)g(ist)ris/ kersmake(re) pynnoc vynck scabinis roelofs witte hekerlinc buetsele/ et pluribus aliis febr(uarii)xi