Andries hellinc mulde(r)/ Item vranck de briede(re) es comen in teg(enwordicheit) der scepen(en) burg(er)meest(ere)n ende/ der scepen(en) van loeven(en) hier nae genoempt Ende heeft geloeft op sijn lijf en(de)/ op sijn goet en(de) op zoenbreke ende vredebreke te sijne dat hij om engheenre/ hande zaken wille die geschiet moegen sijn tusschen hem in deen zijde ende/ den voirs(creven) a(n)driese in dande(re) den selven vranck andriese noch de sijne ne(m)m(er)/ meer wangonst veede hatye noch vyantscap drage(n) noch doen en sal (et)c(etera)/ In meliori for(ma) ut sup(ra) cor(am) eisd(em)