It(em) de voirscr(even) jannes vanden hove die(n) totten voirscr(even) goeden met scepen(en) brieven/ gelijc voirscr(even) steet comen es heeft geconsenteert en(de) gewillecuert janne/ den raet voirs(creven) dat hij de voirscr(even) goede selve en(de) nyemant and(er)s sall/ moeghen lossen en(de) quijten bynnen seven jae(re)n naestcomen(de) sijns selfs/ pe(n)ningen tot sijns selfs behoef en(de) behoudene en(de) tot nyemants behoef/ and(er)s tenen male metter so(m)men van sesshondert en(de) driendertich/ gulden rijders d(er) mu(n)ten tshertoghen van bourg(oign)[en] en(de) van brabant
//
voe(r) datum des briefs gemu(n)t en(de) geslagen en(de) met alsulker so(m)men van/ pe(n)ningen daer toe alse den gronthe(re)n daer men de voirs(creven) goede af houden(de)/ es mids deser vertieringen en(de) guedingen vanden selven goeden van/ coopgelde of and(er)s verschenen sal wesen en(de) jannes daer af sal moeten/ betalen te gade(r) met alsulken costen alse de voirs(creven) ja(n)nes bynnen den/ tide vander quitingen aen de selve goede gedaen en(de) geleeght sal/ hebben van reparacien nuwer ty(m)meringen oft e(n)nichsins anders/ behoudelic desen of ja(n)nes voirs(creven) dopgaende eyckenhout opte/ voirscr(even) hoeve staende vercochte dat tgelt daer af comen(de) s den/ selven ja(n)ne den raet tafslaghe comen soude aen de voirs(creven) so(m)men/ gelts waert dat hij de voirscr(even) goede inder voirs(creven) manie(re)n quijtte/ roelofs prijke(re) julii xxv
//