SAL7741, Act: V°69.2 (146 of 325)
Search Act
previous | next
Act V°69.2  
Act
Date: 1447-10-10
LanguageNederlands

Transcription

2020-03-02 by Gerry Van Helmont
Van janne beringhen/
Nae dien dat jan van beeri(n)gen zoon meest(er) gherams wilen van beri(n)gen/
die beleidt is tot allen den haefliken goeden henrix vand(er) wijct van/
rumpst op heden heeft doen lesen inden rechte alhier zijn voirs(creven) beleit/
bege(re)nde d(aer)inne gehouden te werden van alrehanden haefliken goeden/
gelegen te s(in)te katlijnen wave(r) bynnen d(er) schue(re)n en(de) hove des voirs(creven) he(n)rix/
ald(aer) die henric voirs(creven) hem pijnde te doen aenverden So hevet tvo(n)nis/
d(er) scepen(en) van loeven(e) gewijst mids dat de voirs(creven) henric noch nyeman/
and(er)s op heden te rechte en quam hoewael hij d(aer)af op heden dagh hadde/
datmen den voirs(creven) janne vanden voirs(creven) goeden houden sal in zijnen/
beleide also verre alst noch voir scepen(en) comen is cor(am) d(omino) py(n)noc abs(oloens)/
py(n)noc witte hortbeke oct(obris) x
Contributorsmyriam bols
Moderated bymyriam bols
Last update: 2014-08-25 by kristiaan magnus