It(em) de voirs(creven) joha(n)ne p(ri)us ema(ncipa)[ta] heeft gekent ende gelijdt dat zij vanden / voirs(creven) woute(re)n hoe(re)n vader heeft gehadt ende ontfangen goede wettige / deylinge en(de) bewijsenisse van allen alsulken goeden beruerlic en(de) omberuerlic / als hoe(re) bleven en(de) verstorven vand(er) doot wijlen katlijnen hoird(er) moed(er) en(de) die / hoe(re) bliven ende versterven souden nae de doot des voirs(creven) wouters hoirs vad(er)s / hoedanich die sijn en(de) soe waermen die bevynden mach den voirs(creven) hoe(re)n / vad(er) en(de) alle ande(re) dien dat aengaen mach d(aer)af volcomelijc quijtsceldende / kennende en(de) lyende openbaerlijc dat alle de goede die de voirs(creven) wouter / hoe(r) vad(er) opten dach van heden besittende es oft naemaels vercrigen sal / beruerlijke en(de) omberuerlijke den kynde(re)n van zijnen naebedde nae des voirs(creven) / wout(er)s hoirs vad(er)s doot sculdich sullen sijn te volgen en(de) dat zij gheen / recht d(aer)inne en heeft noch sculdich en es te hebben in e(n)nig(er) manie(re)n opte / selve goede tot hehoef der selv(er) naekynde(re) met (con)sente des voirs(creven) wout(er)s / renu(n)cie(re)nde en(de) halmelijc verthyende Geloeven(de) die ne(m)m(er)meer aen te spreken / etc(etera) cor(am) eisd(em) /