It(em) want de voirs(creven) wout(er) aengenomen heeft ten wed(er)roepen jans voirs(creven) / te bedienen trentmeest(er)scap van graven met zijnre toebehoirten wesen(de) / ond(er) dambacht vand(er) rentmeest(er)scape van nyvele d(aer) de voirs(creven) jan nu / rentmeester af es So es gevorwert So wae(re) de voirs(creven) wout(er) h(ier)na / maels in e(n)nigen gebreke wae(re) van bewijssnisse(n) betalingen te doen / den voirs(creven) ja(n)ne van des hij als rentmeester heffen en(de) boe(re)n sal of / dat hij niet en volda van des hij and(er)s hem sculdich es te doen na / zijnre officien dat de voirs(creven) jan alsulke gebreck sal moegen nemen / en(de) verhalen aende voirs(creven) p(er)sone en(de) hoir goede en(de) of hij d(aer)om e(n)nighen / cost dede van rechte off ande(re)n des [welx costs] hij geloeft sal zijn tsijnre eed / dat sal de selve jan desgelijcx moeghen nemen en(de) hebben geloeft / de voirs(creven) p(ar)tien sculde(re)n gheen bescud van brieven h(ier) tegen te maken / oft te gebruycken(e) en(de) of zij dat daden dat zij dan dat afdoen souden / en(de) tot desen zo de voirs(creven) gielis geloeft den voirs(creven) arnde vand(er) / voirs(creven) borchtoght tontheffen also v(er)re gedragen xl rijd(er)s en(de) niet / voird(er) eisd(em) /