It(em) want de voirs(creven) yde speelberchs heeft den voirs(creven) janne speel
//
berchs en(de) janne maes als sijnen momboe(re) op heden in handen/ gegeven eenen scepen(en) brief van loeven(en) vand(er) daten vande(n) jae(re)n/van xiiii[c] en(de) xxviii xxvii dage in septembri en(de) d(aer) mede henrick/ wijlen speelberchs geheeten tabbart en(de) katlijne sijn wijf name(n)/ op zeke(re)n lijfpacht zeke(re) parcheelen van goeden gelegen te hev(er)le/ en(de) d(aer) omtrent tegen janne speelberchs vad(er) des voirs(creven) jans/ speelberchs en(de) katlijnen sijnen wive en(de) ond(er) dande(re) op viii/ mudden rogs lijftochten tot der voirs(creven) yden live So hebben/ geloeft de voirs(creven) jan speelberchs en(de) jan maes oft de voirs(creven)/ yde beg(er)de hoe(r) metten voirs(creven) brieve h(ier) naemaels te behelpen/ op ande(re) goede dan op goede of tgedeelte des voirs(creven) jans speel/ berchs en(de) sijnre brued(er) en(de) suste(re)n van eene(n) vad(er) en(de) moed(er) dat/ de selve jan en(de) jan hoe(r) alsdan den voirs(creven) brief sullen weder/ doen en(de) laten te baten comen om hoe(r) recht d(aer) mede te vorde(re)n/ op alsulke ande(re) goede en(de) niet voird(er) sond(er) argelist eisd(em)/