Van collarde poullet etc(etera) en(de) franckart de roullee/ Item nadat franckart de le rouyllee voe(r) meye(r) en(de) scepen(en) van loeve(n)/ te recht gecomen es tegen colarde poullet die geleidt es na/ des(er) stad recht totten goeden katlijnen cat heeft de selve/ franckart ierst inden rechte aengehaven en(de) geallegeert dat/ de voirs(creven) collart ind(er) zaken d(aer)af de scepen(en) brieve gelesen/ worden ende dongebruyc aen zeke(re) goede te seneffe geleg(en)/ opgedaen niet ontfangber en we(re) gem(er)ct zeke(r) vore/ ghedinge dat de voirs(creven) colard van dien goeden te/ seneffe tegen den selven franckarde gesusti[neert]mitteert hadde/ dairaf oic tegen den selven colarde zeke(r) hootvo(n)niss(e) van/ nyvele gegaen wae(re)n navolgende de(n) welken de voirscr(even)/ colart geloeft ende toegeseeght hadde op eenen banduyn/ van vier gulden rijd(er)s die goede nu(m)m(er)meer aen te spreken/ oft te stoe(re)n ind(er) manie(re)n zeke(r) brieve d(aer)op gemaect dat beg(re)pen/ totten welken de voirs(creven) franckart hem gedroegh den voirs(creven)/ colarde d(aer)op verantwerdende hopende dat hem die cala(n)gie/ int voirtvaren van zijne(n) scepen(en) brieven gheen ontstade doen en/ soude want hij hem van geboirten wegen totten voirs(creven) goede(n)/ gheens rechts voirt en v(er)mate gem(er)ct dat de voirs(creven) katline/ des vele naerd(er) wae(re) dan hij en(de) van zijne(n) wegen en(de) voe(r) hem
//
soe en woude hij tegen de voirs(creven) handelinge gheenssins doen/ noch pijnen te doen hopende dat hij alse geleidt met/ dier calaengien na de heerlicheit m(ijns) gened(ichs) he(re)n ende den/ rechte van des(er) stad niet verstoten zijn en zoude voirt/ te varen ende te wercken met den voirs(creven) scepen(en) brieve(n)/ ind(er) manie(re)n hij begonnen hadde zunderlinge gem(er)ct dat/ hij nad(er) voe(r) hanteringen geleidt ware totten rechte/ en(de) actie d(er) voirs(creven) katlijnen die and(er)s mids gebreke van/ behulpe en(de) vrienden want zij buyten lands ware/ gescapen zijn zoude hoirs vaderlix goets en(de) rechts/ te moeten derven op welke de scepen(en) van/ loeven vanden meye(r) gemaent es na behoirlike/ deliberacie tvo(n)niss(e) d(aer)af gegaen dat de voirs(creven) collard/ als geleidt sal moegen voirtvaren en(de) p(ro)cede(re)n mette(n)/ rechte vanden voirs(creven) zijnen scepen(en) brieven niet/ wederstaende d(er) voirs(creven) calangien act(um) cor(am) o(mn)ib(us)/ scab(inis) in placito ex(cep)[to] m(ichaele) abs(oloens) julii viii
//