It(em) vanden stoote die opverstaen es geweest tusschen woute(re)n en(de) reyne(re)n/ van eycke gebruede(re)n soen wouters wijlen van eycke ende reyne(re)n vanden/ broecke swag(er) der voirs(creven) gebruede(re) alse van zeke(re)n goeden gebleven nae de/ doot des voirs(creven) wijlen wouters en(de) jouffr(ouwe) m(ar)grieten wijlen van oerbeke/ sijns wijfs vad(er) en(de) moeder der voirs(creven) gebruede(re) so sijn de selve p(er)sonen/ comen voe(r) scepen(en) van loeven(en) en(de) hebben hen bij toedoen van hoe(re)n vrienden/ vanden voirs(creven) stoote en(de) voirts van allen ande(re)n stoote hoedanich die sijn/ die zij tegen malcande(re)n totten daghe toe van heden uutstaende gehadt/ hebben verbonden en(de) gesubmitteert in segge(re)n en(de) vrientlic yffene(re)n te/ weten in vrancken pynnoc natuerlic yweyne ramp(ar)t woenen(de) te beckevoert/ en(de) janne valke den jonghen in des(er) vueghen dat de voirs(creven) segge(re)n/ dbesceit vanden voirs(creven) p(ar)tien tyerst aengehoirt hoe(r) uutsprake vanden/ voirs(creven) stoote doen sullen tusschen dit en(de) ons(er) vrouwen dage half oeghst/ naestcomen(de) en(de) metten meesten gevolge van hen drien ende hebben/ geloeft de voirs(creven) p(ar)tien vast en(de) gestentich te houden etc(etera) cor(am) willem(air)/ coelen julii viii
//