It(em) gheerd vanden bossche van bruessele ty(n)nepotghiete(re) es comen in/ jeg(ewoirdicheit) des burg(er)meest(er)s en(de) d(er) scepen(en) van loeven jege h(ier)na genoemt/ en(de) heeft geloeft op zijn lijf en(de) op zijn goet en(de) op zoenbreke/ ende vredebreke te sijne dat hij om gheenrehande saken wille/ die geschiet moegen zijn tuschen hem in deen zijde ende/ willem(me) van bolenbeke van eppeghem ter ande(re) den selve(n) willem(me)/ nu(m)m(er)meer vede hatye vyantscap noch wangunst doen noch/ dragen en sal hem crencken of hynde(re)n da aen lijf of aen/ goet dagen noch moeyen buyten lands noch te campe/ eyschen by hem selve(n) noch by yeman(ne) and(er)s Beke(n)nende/ en(de) v(er)lyende so waer hij hier tegen dade dat hij soude/ sijn zoenbreke en(de) vredebreke en(de) v(er)boert hebbe(n) sijn/ lijf en(de) goet etc(etera) wynge burg(imagistr)[o] py(n)noc l(udovico) roelofs scab(inis)/ oct(obris) xxi/