It(em) Cond zij allen lieden dat laureys yden van meerbeke bij ev(er)sb(er)ghe [en(de) jan sijn soen p(ri)us ema(ncipa)[t(us)]] es sijn/ comen in teg(ewoirdicheit) der scepen(en) van loeven(en) en(de) hebben genomen en(de) bekent dat/ zij genomen hebben van h(ere)n henricke ghielijs canonick regulier en(de) proefst/ sgodshuys van ev(er)bode inden name en(de) van weghen des selfs godshuys alle/ de lande en(de) goede des selfs godshuys also v(er)re zij inde p(ro)chie van meerbeke bij/ ev(er)sb(er)ghe gelegen sijn ende gelijk(er)wijs arnt de becke(re) van meerbeke de voirs(creven)/ goede hier voe(r)maels vanden selven godshuyse genomen heeft ende niet voird(er)/ Te houden te hebben en(de) te wynne(n) van halfm(er)te lestleden eene(n) t(er)mijn van/ vijfthien jae(re)n langc deen nae dand(er) sond(er) myddel volgende Elcx jaers dae(re)n/ bynne(n) voe(r) en(de) om twee mudde rogs d(er) maten van loeven en(de) acht sacke even(en)/ d(er) maten van bruessel te weten vijf halst(er) [sist(er)] der selv(er) maten voe(r) elcke(n) sack/ gereekent [beide] goets en(de) payabels [coe(re)ns] met wa(n)ne en(de) met vede(re)n wael bereyt alle/ jae(re) tsent andriesmisse apostels te betalen en(de) ind(er) stad van loeven bruessele ind(er)/ h(er)b(er)gen des selfs godshuys te leve(re)n alle jae(re) den voirs(creven) t(er)mijn due(re)nde en(de) telken/ t(er)mijne als v(er)volghde schout It(em) sullen de voirs(creven) wynne(n) de voirs(creven) lande besaeyt/ en(de) gewonne(n) laten te shue(re)n afsceiden gelijc en(de) in ald(er) manie(re)n zij [als] h(ier) nae volght/ dats te weten drie dachmael lants aen clackenberch drie dachmael lants/ aende h(er)berghe aende to(m)me drie dachmael aen comans willige een dachmael/ aende grebbe en(de) een dachmael aende laethaghe al met rogge besaeyt en(de)/ vijf dachmael en(de) een half storte eens o(m)me gedaen Item sullen de voirs(creven)/ wynne(n) de voirs(creven) lande wel en(de) loflic wynne(n) ende werven gelijc shue(re)n reen/ genoten boven en(de) beneden den voirs(creven) t(er)mijn due(re)nde cor(am) pynnoc velpe oct(obris)/ xxiii/